Где можно найти устав вседневной утрени

Где можно найти устав вседневной утрени

Сподоби Господи (читается)

Сподоби Господи. (поется)

Ектения: Исполним вечернюю молитву нашу Господеви …

Стихиры на стиховне

Суббота: стихиры мученичны с «Господи воззвах»

Слава: святому (если есть)

И ныне: Богородичен по гласу «Славы» (2-е приложение)

На среду и пятницу Крестобогородичен Минеи

Если нет «Славы» святому

Слава и ныне: Богородичен Октоиха

Слава: святому (если есть)

И ныне: Богородичен по гласу «Славы» (1-е приложение)

Если нет «Славы» святому

Слава и ныне: Богородичен по гласу «Славы» (1-е приложение)

Трисвятое по Отче наш

Слава и ныне: Богородичен (4-е приложение)

Слава и ныне: Богородичен (3-е приложение)

Тропарь 1-му святому: Слава: 2-му; И ныне: Богородичен (как приведено выше)

Богородичны берутся по гласу тропаря или «Славы»

Суббота: берется Богородичен настоящего гласа из 3-го приложения

Ектения: Помилуй мя Боже…

Сый благословен Христос Бог наш…

Утверди Боже святую православную веру…

Слава Святей, и Единосущней, и Животворящей, и Нераздельней Троице…

Слава в вышних Богу, и на земли мир и человецех благоволение….

Слава и ныне: Богородичен (4-е приложение)

Слава и ныне: Богородичен (3-е приложение)

Тропарь 1-му святому (дважды): Слава: 2-му; И ныне: Богородичен (как приведено выше

Богородичны берутся по гласу тропаря или «Славы»

Суббота: Богородичны берутся по гласу последнего тропаря (3-приложение)

Суббота: Богородичны берутся настоящего гласа (3-приложение)

Малая ектения (по каждой кафизме )

С е д а л ь н ы

Если на утрени три кафизмы:

По 1-й и 2-й – седальны Минеи

По 3-й – Малой ектении нет.

Суббота: На кафизмах Малая ектения. Седальны Октоиха. По 16-ой кафизме Богородичен первый настоящего гласа.

Суббота: Седальны Минеи.

Хвалите имя Господне

И о сподобитися…

Слава: Молитвами (имя святого) Милостиве…

И ныне: Молитвами Богородицы Милостиве…

Помилуй мя Боже…

Молитва: «Спаси Боже люди Твоя. »

Господи помилуй 12 раз

Возглас: «Милостию и щедротами…»

1-й Октоиха со ирмосом на — 6

2-й Октоиха на — 4

1-й Октоиха со ирмосом на – 4 (без мученичных)

2-й Октоиха на — 4

2-й Первому святому

3-й Второму святому

святому без знака на – 4

шестеричному и славословному на — 6

Храм Христов и Богородицы

Храм Христов и Богородицы

1 — Храма на – 6 (ирмосы дважды)

2 — Святому на – 8

1 – Богородицы (с прошедшей недели) на – 6 (ирмосы дважды)

2 — Святому на – 8

1 — Храма на – 6 (ирмосы дважды)

2 — Святому на – 4

3 — Октоиха (мученичный) на — 4

1 — Храма на – 4 (ирмосы дважды)

2 — Святому на – 6

3 — Октоиха (мученичный) на — 4

1 – Святому на – 6 (ирмосы дважды)

3 — Октоиха (мученичный) на – 4

1 – Святому первому на – 6 (ирмосы дважды)

2 – Святому второму на – 4

3 — Октоиха (мученичный) на – 4

Катавасия по 3,6,8 и 9 песни – ирмос последнего канона.

Катавасия по каждой песни канона (по уставу)

П о 3 – й песни канона

Седален Минеи с Богородичным

Кондак и икос 2-му святому; седален 1-му святому; Слава: седален второму святому; И ныне: Богородичен Минеи.

П о 6 – й песни канона

Кондак и икос Минеи

По 8 – й песни канона

По 9-й песни «Достойно есть»

Слава: Минеи (если есть)

И ныне: Богородичен Минеи или Октоиха

Светилен 1-му святому

Слава: светилен 2-му святому

И ныне: Богородичен Минеи или Октоиха

В субботу: Богородичен Октоиха

В среду и пятницу: Крестобогородичен Октоиха

Светилен 1-му святому

Слава: светилен 2-му святому

И ныне: Богородичен Минеи

Хвалитные псалмы (читаются)

Всякое дыхание да хвалит Господа (поется)

Стихиры на хвалитех:

Слава: Стихира святого

И ныне: Богородичен Минеи или из 1-го приложения

Стихиры если есть

Слава и ныне: Богородичен (2-е приложение)

Тебе слава подобает…

Вседневное славословие (читается)

Великое славословие (поется)

Слава и ныне: Богородичен по гласу тропаря (из 3-го приложения)

Тропарь 1-му святому

Слава: 2-му святому

И ныне: Богородичен по гласу «Славы» (из 3-го приложения)

Богородичен из 3-го приложения настоящего гласа

Стихиры на стиховне

Слава и ныне: Богородичен на ряду

Если есть «Слава» святому Богородичен(2-е приложение)

Стихиры мученичны с хвалитех

Трисвятое по Отче наш.

Богородичен по гласу тропаря(4-е приложение «в конец утрени»)

Тропарь 1-му святому

Слава: 2-му святому

И ныне: Богородичен по гласу «Славы» (из 4-го приложения «в конец утрени»)

Богородичен из 4-го приложения настоящего гласа или по гласу тропаря или «Славы»)

Сый благословен Христос Бог наш…

Пресвятая Богородице спаси нас…

СлаваТебе, Христе Боже, упование наше….

Слава и ныне: Господи помилуй (трижды)

Новости

К сожалению, стало невозможным (по техническим причинам) задать вопрос или оставить просьбу о молитве на сайте «Псаломщик». В связи с этим подобные разделы созданы на сайте «Дьячок». Там же вы можете скачать и богослужебные книги.

Приношу свои искренние извинения за доставленные неудобства!

Чтобы быстро найти нужную вам информацию, воспользуйтесь

находящемся на главной странице сайта.

Обратите внимание: все разделы сайта периодически пополняются информацией!

Добавляются новые молитвословия и редактируются уже добавленные.

Объявления

Благодарность

Искренне благодарю Елену Александровну С. за оказанную материальную помощь. Спаси Христос!

Благодарность

Искренне благодарю Игоря Григорьевича Р. за оказанную материальную помощь.

Источник

Вседневное последование вечерни и утрени

Содержание

Час девятый

По возгласе иерея: Б лагослове́н Бог наш: чтец глаголет:

А ми́нь. Сла́ва Тебе́, Бо́же наш, сла́ва Тебе́.

Ц арю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

С вяты́й Бо́же, Святы́й Кре́пкий, Святы́й Безсме́ртный, поми́луй нас (трижды).

С ла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

П ресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Г о́споди, помилуй (трижды). Слава, и ны́не:

О́ тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже имы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я ко Твое́ есть Ца́рство:

Чтец: Ами́нь . Го́споди, поми́луй (12 раз). Слава, и ны́не:

П рииди́те, поклони́мся Царе́ви на́шему Бо́гу.

П рииди́те, поклони́мся и припаде́м Христу́, Царе́ви на́шему Бо́гу.

П рииди́те, поклони́мся и припаде́м Самому́ Христу́, Царе́ви и Бо́гу на́шему.

Таже псалмы 83, 84, 85:

К оль возлю́бленна селе́ния Твоя́, Го́споди сил! Жела́ет и скончава́ется душа́ моя́ во дворы́ Госпо́дни. Се́рдце мое́ и плоть моя́ возра́довастася о Бо́зе жи́ве. Ибо пти́ца обре́те себе́ хра́мину, и го́рлица гнездо́ себе́, иде́же положи́т птенцы́ своя́; олтари́ Твоя́, Го́споди сил, Ца́рю мой и Бо́же мой. Блаже́ни живу́щии в дому́ Твое́м, в ве́ки веко́в восхва́лят Тя. Блаже́н муж, ему́же есть заступле́ние его́ у Тебе ́, восхожде́ния в се́рдце свое́м положи́. Во юдо́ль плаче́вную, в ме́сто е́же положи́: и́бо благослове́ние дастзаконополага́яй. По́йдут от си́лы в си́лу, яви́тся Бог бого́в в Сио́не. Го́споди Бо́же сил, услы́ши моли́тву мою́, внуши́, Бо́же Иа́ковль. Защи́тниче наш виждь, Бо́же, и при́зри на лице́ Христа́ Твоего́. Яко лу́чши день еди́н во дво́рех Твои́х, па́че ты́сящ. Изво́лих примета́тися в дому́ Бо́га моего́ па́че, не́же жи́ти ми в селе́ниих гре́шничих. Яко ми́лость и и́стину лю́бит Госпо́дь, Бог благода́ть и сла́ву даст. Го́сподь не лиши́т благи́х ходя́щих незло́бием. Го́споди Бо́же сил, блаже́н челове́к упова́яй на Тя.

Б лаговоли́л еси́, Го́споди, зе́млю Твою́, возврати́л еси́ плен Иа́ковль. Оста́вил еси́ беззако́ния люде́й Твои́х, покры́л еси́ вся грехи́ их. Укроти́л еси́ весь гнев Твой, возврати́лся еси́ от гне́ва я́рости Твоея́. Возврати́ нас, Бо́же спасе́ний на́ших, и отврати́ я́рость Твою́ отнас. Еда́ во ве́ки прогне́ваешися на ны, или́ простре́ши гнев Твой от ро́да в род? Бо́же, Ты обра́щься оживи́ши ны, и лю́дие Твои́ возвеселя́тся о Тебе́. Яви́ нам, Го́споди, ми́лость Твою́, и спасе́ние Твое́ даждь нам. Услы́шу, что рече́т о мне Госпо́дь Бог: я́ко рече́т мир на лю́ди Своя́, и на преподо́бныя Своя́, и на обраща́ющия сердца́ к Нему́. Оба́че близ боя́щихся Его́ спасе́ние Его́, всели́ти сла́ву в зе́млю на́шу. Ми́лость и и́стина срето́стеся, пра́вда и мир облобыза́стася. Истина от земли́ возсия́,и пра́вда с Небесе́ прини́че. Ибо Госпо́дь даст бла́гость, и земля́ на́ша даст плод свой. Пра́вда пред Ним преды́дет, и положи́т в путь стопы́ Своя́.

П риклони́, Го́споди, у́хо Твое́ и услы́ши мя, я́ко нищ и убо́г есмь аз. Сохрани́ ду́шу мою́, я́ко преподо́бен есмь; спаси́ раба́ Твоего́, Бо́же мой, упова́ющаго на Тя. Поми́луй мя, Го́споди, я́ко к Тебе́ воззову́ весь день. Возвесели́ ду́шу раба́ Твоего́, я́ко к Тебе́ взях ду́шу мою́. Яко Ты, Го́споди, благ и кро́ток и многоми́лостив всем призыва́ющим Тя. Внуши́, Го́споди, моли́тву мою́, и вонми́ гла́су моле́ния моего́. В день ско́рби моея́ воззва́х Тебе́, я́ко услы́шал мя еси́. Несть подо́бен Тебе́ в бозе́х, Го́споди, и несть подело́м Твои́м. Вси язы́цы, ели́ки сотвори́л еси́, прии́дут и покло́нятся пред Тобо́ю, Го́споди, и просла́вят и́мя Твое́: я́ко ве́лий еси́ Ты, и творя́й чудеса́, Ты еси́ Бог еди́н. Наста́ви мя, Го́споди, на путь Твой, и пойду́ во и́стине Твое́й: да возвесели́тся се́рдце мое́ боя́тися и́мене Твоего́. Испове́мся Тебе́, Го́споди Бо́же мой, всем се́рдцем мои́м и просла́влю и́мя Твое́ в век. Яко ми́лость Твоя́ ве́лия на мне, и изба́вил еси́ ду́шу мою́ от а́да преиспо́днейшаго. Бо́же, законопресту́пницы воста́ша на мя, и сонм держа́вных взыска́ша ду́шу мою́, и не предложи́ша Тебе́ пред собо́ю. И Ты, Го́споди Бо́же мой, ще́дрый, и ми́лостивый, идолготерпели́вый, и многоми́лостивый, и и́стинный. При́зри на мя и поми́луй мя, даждь держа́ву Твою́ о́троку Твоему́ и спаси́ сы́на рабы́ Твоея́. Сотвори́ со мно́ю зна́мение во бла́го, и да ви́дят ненави́дящии мя и постыдя́тся, я́ко Ты, Го́споди, помо́гл ми и уте́шил мя еси́.

С отвори́ со мно́ю зна́мение во бла́го, и да ви́дят ненави́дящии мя и постыдя́тся, я́ко Ты, Го́споди, помо́гл ми и уте́шил мя еси́.

Слава, и ны́не: А ллилу́ия, аллилу́ия, аллилу́ия, сла́ва Тебе́, Бо́же (трижды). Го́споди , поми́луй (трижды). С ла́ва Отцу́ и Сы́ну и Свято́му Ду́ху.

И чтет тропарь святаго, в мимошедший день прилучившагося. Аще было в той день два тропаря, первый глаголется до Славы: а второй – после.

И ны́не и при́сно и во ве́ки веко́в. А ми́нь.

И же нас ра́ди рожде́йся от Де́вы, и распя́тие претерпе́в, Благи́й, испрове́ргий сме́ртию смерть, и Воскресе́ние явле́й я́ко Бог, не пре́зри, я́же созда́л еси́ руко́ю Твое́ю, яви́ человеколю́бие Твое́, Ми́лостиве, приими́ Ро́ждшую Тя Богоро́дицу, моля́щуюся за ны, и спаси́, Спа́се наш, лю́ди отча́янныя.

Н е преда́ждь нас до конца́, и́мене Твоего́ ра́ди, и не разори́ заве́та Твоего́, и не отста́ви ми́лости Твоея́ от нас, Авраа́ма ра́ди возлю́бленнаго от Тебе ́, и за Исаа́ка, раба́ Твоего́, и Изра́иля свята́го Твоего́.

Трисвятое, по О тче наш:

Священник: Я ко Твое́ есть Ца́рство:

Чтец: А ми́нь. И глаголет кондак святаго Минеи, в той день бывшаго.

Таже Г о́споди, поми́луй (40 раз).

И же на вся́кое вре́мя и на вся́кий час, на Небеси́ и на земли́ покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, Иже пра́ведныя любя́й и гре́шныя ми́луяй, Иже вся зовы́й ко спа́сению, обеща́ния ра́ди бу́дущих благ. Сам, Го́споди, прими́ и на́ша в час сей моли́твы, и испра́ви живо́т наш к за́поведем Твои́м. Ду́ши на́ша освяти́, телеса́ очи́сти, помышле́ния испра́ви, мы́сли очи́сти, и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми инаставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ вове́ки веко́в. Ами́нь.

Г о́споди, поми́луй (трижды). Слава, и ны́не:

Ч естне́йшую Херуви́м: И менем Госпо́дним благослови́, о́тче.

Священник: Б о́же, уще́дри ны, и благослови́ ны, просвети́ лице́ Твое́ на ны, и поми́луй ны.

И молитву: В лады́ко Го́споди Иису́се Христе́ Бо́же наш, долготерпе́вый о на́ших согреше́ниих, и да́же до ны́нешняго часа́ приведы́й нас, в о́ньже на Животворя́щем Дре́ве ви́ся, благоразу́мному разбо́йнику и́же в рай путесотвори́л еси́ вход, и сме́ртию смерть разруши́л еси́, очи́сти нас гре́шных и недосто́йных раб Твои́х. Согреши́хом бо и беззако́нновахом, и не́смы досто́йни возвести́ очеса́ на́ша и воззре́ти на высоту́ небе́сную, зане́ оста́вихом путь пра́вды Твоея́ и ходи́хом в во́лях серде́ц на́ших. Но мо́лим Твою́ безме́рную бла́гость, пощади́ нас, Го́споди, по мно́жеству ми́лости Твоея́, и спаси́ нас и́мене Твоего́ ра́ди Свята́го, я́ко исчезо́ша в суете́ дни́е на́ши. Изми́ нас из руки́ сопроти́внаго, и оста́ви нам грехи́ на́ша, и умертви́ плотско́е на́ше мудрова́ние, да ве́тхаго отложи́вше челове́ка, в но́ваго облеце́мся; и Тебе́ поживе́м, на́шему Влады́це и Благоде́телю, и та́ко Твои́м после́дующе повеле́нием, в ве́чный поко́й дости́гнем, иде́же есть всех веселя́щихся жили́ще. Ты бо еси́ вои́стинну и́стинное весе́лие и ра́дость лю́бящих Тя, Христе́ Бо́же наш, и Тебе́ сла́ву возсыла́ем со Безнача́льным Твои́м Отце́м, и Пресвяты́м, и Благи́м, и Животворя́щим Твои́м Ду́хом, ны́не и при́сно и во ве́ки веко́в. Ами́нь.

Вседневная вечерня

Глаголет священник: Б лагослове́н Бог наш:

П рииди́те, поклони́мся Царе́ви на́шему Бо́гу.

П рииди́те, поклони́мся и припаде́м Христу́, Царе́ви на́шему Бо́гу.

П рииди́те, поклони́мся и припаде́м Самому́ Христу́, Царе́ви и Бо́гу на́шему.

И глаголет псалом 103:

Б лагослови́, душе́ моя́, Го́спода; Го́споди Бо́же мой, возвели́чился еси́ зело́, во испове́дание и ввелеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи, и слуги́ своя́ пла́мень о́гненный. Основа́яй зе́млю на тве́рди ея́, не преклони́тся в век ве́ка. Бе́здна, я́ко ри́за, одея́ние ея́, на гора́х ста́нут во́ды. От запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры, и низхо́дят поля́ в ме́сто, е́же основа́л еси́ им. Преде́л положи́л еси́, его́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, ждут она́гри в жа́жду свою́. На тых пти́цы небе́сныя привита́ют от среды́ ка́мения дадя́т глас. Напая́яй го́ры отпревы́спренних Свои́х, от плода́ дел твои́х насы́тится земля́. Прозяба́яй траву́ ското́м и зла́к на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Насы́тятся древа́ польска́я, ке́дри лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тьму, и бысть нощь, в не́йже про́йдут вси зве́рие дубра́внии; ски́мни рыка́ющии восхи́тити и взыска́ти от Бо́га пи́щу себе́. Возсия́ со́лнце, и собра́шася, и в ло́жах свои́х ля́гут. Изы́дет челове́к на де́ло свое́, и на де́лание свое́ до ве́чера. Яко возвели́чишася дела́ Твоя́, Го́споди, вся прему́дростию сотвори́л еси́: испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́хже несть числа́, живо́тная ма́лая с вели́кими. Та́мо корабли́ препла́вают, змий сей, его́же созда́л еси́ руга́тися ему́. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им, соберу́т; отве́рзшу Тебе́ ру́ку, вся́ческая испо́лнятся бла́гости. Отвра́щшу же Тебе́ лице́, возмяту́тся: оты́меши дух их, и исче́знут, и в персть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х. Призира́яй на зе́млю, и творя́й ю трясти́ся; прикаса́яйся гора́м, и дымя́тся. Воспою́ Го́сподеви в животе́ мое́м, пою́ Бо́гу моему́, до́ндеже есмь. Да услади́тся Ему́ бесе́да моя́, аз жевозвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти им; благослови́, душе́ моя, Го́спода.

С о́лнце позна́ за́пад свой; положи́л еси́ тьму, и бысть нощь.

Я ко возвели́чишася дела́ Твоя́, Го́споди, вся прему́дростию сотвори́л еси́.

Слава, и ны́не: А ллилу́ия, аллилу́ия, аллилу́ия, сла́ва Тебе́, Бо́же (трижды) .

Диакон: М и́ром Го́споду помо́лимся.

Лик: Г о́споди, поми́луй. (На каждое прошение)

Диакон: О Свы́шнем ми́ре и спасе́нии душ на́ших, Го́споду помо́лимся.

О ми́ре всего́ ми́ра, благостоя́нии святы́х Бо́жиих Церкве́й и соедине́нии всех, Го́споду помо́лимся.

О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

О Вели́ком Господи́не и Отце́ на́шем Святе́йшем Патриа́рхе Кири́лле, и о Господи́не на́шем Высокопреосвяще́ннейшем митрополи́те Ювена́лии (или: П реосвяще́ннейшем архиепи́скопе, или: П реосвяще́ннейшем епи́скопе (имярек)] , честне́м пресви́терстве, во Христе́ диа́констве, о всем при́чте и лю́дех, Го́споду помо́лимся.

О Богохрани́мей стране́ на́шей, власте́х и во́инстве ея́, Го́споду помо́лимся.

О гра́де сем (или: о ве́си сей; если в монастыре: о святе́й оби́тели сей ) , вся́ком гра́де, стране́ и ве́рою живу́щих в них, Го́споду помо́лимся.

О благорастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

О изба́витися нам от вся́кия ско́рби, гне́ва и ну́жды, Го́споду помо́лимся.

З аступи́, спаси́, поми́луй и сохрани́ нас, Бо́же, Твое́ю благода́тию.

П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́, и друг дру́га, и весь живо́т наш Христу́ Бо́гу предади́м.

Лик: Т ебе́, Го́споди.

Иерей (возглашает): Я ко подоба́ет Тебе́ вся́кая сла́ва,честь и поклоне́ние, Отцу́ и Сы́ну и Свято́му Ду́ху, ны́не ипри́сно и во ве́ки веко́в.

Посем чтец стихословит положенную кафисму на три Славы. По третьей Славе малая ектения. 1

Канонарх: Г лас. Г о́споди, воззва́х к Тебе́, услы́ши мя.

1-й Лик: Г о́споди, воззва́х к Тебе́, услы́ши мя. / Услы́ши мя, Го́споди. / Го́споди, воззва́х к Тебе́, услы́ши мя; / вонми́ гла́су моле́ния моего́, / внегда́ воззва́ти ми к Тебе́. / / Услы́ши мя, Го́споди.

2-й Лик: Д а испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю, / же́ртва вече́рняя. / / Услы́ши мя, Го́споди.

И по чину стихи:

П оложи́, Го́споди, хране́ние усто́м мои́м / и дверь огражде́ния о устна́х мои́х. / Не уклони́ се́рдце мое́ в словеса́ лука́вствия, / непщева́ти вины́ о гресе́х. / С челове́ки де́лающими беззаконие, / и не сочту́ся со избра́нными их. / Нака́жет мя пра́ведник ми́лостию иобличи́т мя; / еле́й же гре́шнаго да не нама́стит главы́ моея́. / Яко еще́ и моли́тва моя́ во благоволе́ниих их; / поже́рты бы́ша при ка́мени судии́ их. / Услы́шатся глаго́ли мои́, я́ко возмого́ша; / я́ко то́лща земли́ просе́деся на земли́, расточи́шася ко́сти их при а́де. / Яко к Тебе́, Го́споди, Го́споди, о́чи мои́, / на Тя упова́х, не отыми́ ду́шу мою́. / Сохрани́ мя от се́ти, ю́же соста́виша ми, / и от собла́зн де́лающих беззако́ние. / Паду́т во мре́жу свою́ гре́шницы; / еди́н есмь аз, до́ндеже прейду́.

Г ла́сом мои́м ко Го́споду воззва́х, / гла́сом мои́м ко Го́споду помоли́хся. / Пролию́ пред Ним моле́ние мое́, / печа́ль мою́ пред Ним возвещу́. / Внегда́ исчеза́ти от мене ́ ду́ху моему́, / и Ты позна́л еси́ стези́ моя́. / На пути́ сем, по нему́же хожда́х, / скры́ша сетьмне. / Смотря́х одесну́ю и возгля́дах, / и не бе зна́яй мене́. / Поги́бе бе́гство от мене ́, / и несть взыска́яй ду́шу мою́. / Воззва́х к Тебе́, Го́споди, рех: / Ты еси́ упова́ние мое, часть моя́ еси́ на земли́ живы́х. / Вонми́ моле́нию моему́, / я́ко смири́хся зело́. / Изба́ви мя от гоня́щих мя, / я́ко укрепи́шася па́че мене́. Изведи́ из темни́цы ду́шу мою́, / испове́датися и́мени Твоему́. Мене́ ждут пра́ведницы, / до́ндеже возда́си мне. Из глубины́ воззва́х к Тебе́, Го́споди, / Го́споди, услы́ши глас мой. Да бу́дут у́ши Твои́ / вне́млюще гла́су моле́ния моего́.

На 6, Стих: А ще беззако́ния на́зриши, Го́споди, Го́споди, кто постои́т? / Яко у Тебе ́ очище́ние есть.

Стих: И мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

Стих: О т стра́жи у́тренния до но́щи, от стра́жи у́тренния, / да упова́ет Изра́иль на Го́спода.

Канонарх: Г лас. (во глас Минеи), и Стих: Я ко у Го́спода ми́лость, и мно́гое у Него́ избавле́ние, / и Той изба́вит Изра́иля от всех беззако́ний его́.

Стих: Х вали́те Го́спода вси язы́цы, / похвали́те Его́ вси лю́дие.

Читайте также:  Какие исковые заявления имущественного характера не подлежат оценке

Стих: Я ко утверди́ся ми́лость Его́ на нас, / и и́стина Госпо́дня пребыва́ет во век.

С лава: святаго, аще есть. Аще же ни, С лава, и ны́не: Богородиченпо гласу стихир в Минеи святаго. Во вторник жеи четверг, на И ны́не: поем Крестобогородичен. Входа несть.

Посем лик: С ве́те Ти́хий святы́я сла́вы Безсме́ртнаго Отца́ Небе́снаго, Свята́го, Блаже́ннаго, Иису́се Христе́! / Прише́дше на за́пад со́лнца, ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ пет бы́ти гла́сы преподо́бными, / Сы́не Бо́жий, живо́т дая́й; // те́мже мир Тя сла́вит.

Священник: В о́нмем.

Диакон: П рему́дрость, во́нмем. Проки́мен, глас. и возглашает прокимен седмичный, по дню недели:

В Неделю, глас 8:

С е ны́не благослови́те Го́спода, / вси раби́ Госпо́дни.

Стих: С тоя́щии во хра́ме Госпо́дни, во дво́рех до́му Бо́га на́шего.

В понедельник, глас 4:

Г оспо́дь услы́шит мя, / внегда́ воззва́ти ми к Нему́.

Стих: В негда́ призва́ти ми, услы́ша мя Бог пра́вды моея́.

Во вторник, глас 1:

М и́лость Твоя́, Го́споди, / пожене́т мя вся дни живота́ моего́.

Стих: Г оспо́дь пасе́т мя, и ничто́же мя лиши́т; на ме́сте зла́чне, та́мо всели́ мя.

Б о́же, во имя Твое́ спаси́ мя / и в си́ле Твое́й суди́ ми.

Стих: Б о́же, услы́ши моли́тву мою́, внуши́ глаго́лы уст мои́х.

В четверг, глас 6:

П о́мощь моя́ от Го́спода, / сотво́ршаго Не́бо и зе́млю.

Стих: В озведо́х о́чи мои́ в го́ры, отню́дуже прии́дет по́мощь моя́.

В пятницу, глас 7:

Б о́же, Засту́пник мой еси́ Ты, / и ми́лостьТвоя́ предвари́т мя.

Стих: И зми́ мя от враг мои́х, Бо́же, и от востаю́щих на мя изба́ви мя.

Таже чтец глаголет: С подо́би, Го́споди, в ве́чер сей без греха́ сохрани́тися нам. Благослове́н еси́, Го́споди Бо́же оте́ц на́ших, и хва́льно и просла́влено и́мя Твое́ во ве́ки. Ами́нь.

Б у́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми.

Г о́споди, ми́лость Твоя́ во век, дел руку́ Твое́ю не пре́зри. Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

Диакон: И спо́лним вече́рнюю моли́тву на́шу Го́сподеви.

З аступи́, спаси́, поми́луй и сохрани́ нас, Бо́же, Твое́ю благода́тию.

Лик: Г о́споди, поми́луй.

В е́чера всего́ соверше́нна, свя́та, ми́рна и безгре́шна, у Го́спода про́сим.

Лик: П ода́й, Го́споди. (На каждое прошение)

А нгела ми́рна, ве́рна наста́вника, храни́теля душ и теле́с на́ших, у Го́спода про́сим.

П роще́ния и оставле́ния грехо́в и прегреше́ний на́ших у Го́спода про́сим.

Д о́брых и поле́зных душа́м на́шим и ми́ра ми́рови у Го́спода про́сим.

П ро́чее вре́мя живота́ на́шего в ми́ре и покая́нии сконча́ти, у Го́спода про́сим.

Х ристиа́нския кончи́ны живота́ на́шего, безболе́зненны, непосты́дны, ми́рны и до́браго отве́та на Стра́шнем Суди́щи Христо́ве, про́сим.

П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́, и друг дру́га, и весь живо́т наш Христу́ Бо́гу предади́м.

Лик: Т ебе́, Го́споди.

Иерей (возглашает): Я ко Благ и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Иерей: М ир всем. Лик: И ду́хови твоему́.

Диакон: Г лавы́ на́ша Го́сподеви прикло́ним.

Лик: Т ебе́, Го́споди. (Медленно)

Иерей, возгласно: Б у́ди держа́ва Ца́рствия Твоего́ благослове́на и препросла́влена, Отца́ и Сы́на и Свята́го Ду́ха, ны́́не и при́сно и во ве́ки веко́в.

И поем первую стихиру на стиховне Октоиха, самогласен дне.

Стих: К Тебе́ возведо́х о́чи мои́, Живу́щему на Небеси́; се, я́ко о́чи раб в руку́ госпо́дий свои́х, я́ко о́чи рабы́ни в руку́ госпожи́ своея́, та́ко о́чи на́ши ко Го́споду Бо́гу на́шему, / до́ндеже уще́дрит ны.

Иная стихира Октоиха.

Стих: П оми́луй нас, Го́споди, поми́луй нас, я́ко по мно́гу испо́лнихомся уничиже́ния; наипа́че напо́лнися душа́ на́ша поноше́ния гобзу́ющих / и уничиже́ния го́рдых.

С лава: святаго Минеи, аще есть. И ны́не: Богородичен,или Крестобогородичен, писан наряду в Минеи. Аще же ни, С лава, и ны́не: Богородичен, или Крестобогородичен, писанв Октоихе наряду.

Таже: Н ы́не отпуща́еши раба́ Твоего́, Влады́ко, по глаго́лу Твоему́ с ми́ром; я́ко ви́деста о́чи мои́ спасе́ние Твое́, е́же еси́ угото́вал пред лице́м всех люде́й, свет вооткрове́ние язы́ков, и сла́ву люде́й Твои́х Изра́иля.

Трисвятое, по О тче наш:

Священник: Я ко Твое́ есть Ца́рство:

Лик: А ми́нь. И поет тропарь святаго Минеи. С лава, ины́не: Богородичен по гласу тропаря, от менших.

Диакон: П оми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Г о́споди, поми́луй. (Трижды на каждое прошение.)

Диакон: Е ще́ мо́лимся о Вели́ком Го́споди́не и Отце́ на́шем Святе́йшем Патриа́рхе Кири́лле, и о Го́споди́не на́шем Высокопреосвяще́ннейшем митрополи́те Ювена́лии, или: Преосвяще́ннейшем архиепи́скопе, или: Преосвяще́ннейшем епи́скопе) (имярек)] , и всей во Христе́ бра́тии на́шей.

Е ще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Е ще́ мо́лимся о блаже́нных и приснопа́мятных созда́телех свята́го хра́ма сего́ (если в монастыре: святы́я оби́тели сея́ ) , и о всех преждепочи́вших отце́х и бра́тиях, зде лежа́щих и повсю́ду, правосла́вных.

Е ще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́ (если в монастыре: святы́я оби́тели сея́ ) .

Е ще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе ́ вели́кия и бога́тыя ми́лости.

Иерей: Я ко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Диакон: П рему́дрость. Лик: Б лагослови́.

Иерей: С ый благослове́н Христо́с Бог наш, все́гда, ны́не и при́сно и во ве́ки веко́в.

Лик: А ми́нь. Утверди́, Бо́же, / святу́ю правосла́вную ве́ру, правосла́вных христиа́н / во век ве́ка. *

Иерей: П ресвята́я Богоро́дице, спаси́ нас.

Лик: Ч естне́йшую Херуви́м:

Иерей: С ла́ва Тебе́, Христе́ Бо́же, упова́ние на́ше, сла́ва Тебе́.

Лик: Слава, и ны́не: Го́споди , поми́луй (трижды). Б лагослови́.

Иерей глаголет отпуст и поминает святаго, егоже естьхрам, и святаго, емуже служба поется.

Лик: В ели́каго Господи́на: зри ниже.

Утреня

По возгласе иерея: Б лагослове́н Бог наш: чтец глаголет:

А ми́нь. С ла́ва Тебе́, Бо́же наш, сла́ва Тебе́.

Ц арю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́стины от вся́кия скве́рны, и спаси́, Бла́же, ду́ши на́ша.

С вяты́й Бо́же, Святы́й Кре́пкий, Святы́й Безсме́ртный, поми́луй нас (трижды) . С ла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

П ресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Г о́споди, поми́луй (трижды) . Слава, и ны́не:

О тче наш, Иже еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже имы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я ко Твое́ есть Ца́рство:

Чтец: А ми́нь. Г о́споди, поми́луй (12 раз). Слава, и ны́не:

П рииди́те, поклони́мся Царе́ви на́шему Бо́гу.

П рииди́те, поклони́мся и припаде́м Христу́, Царе́ви на́шему Бо́гу.

П рииди́те, поклони́мся и припаде́м Самому Христу́, Царе́ви и Бо́гу на́шему.

И посем чтет двупсалмие, псалмы 19 и 20, тихо и косно,заеже кадити священнику вся люди.

У слы́шит тя Госпо́дь в день печа́ли, защи́тит тя и́мя Бо́га Иа́ковля. По́слет ти по́мощь от Свята́го и от Сио́на засту́пит тя. Помяне́т вся́ку же́ртву твою́, и всесожже́ние твое́ ту́чно бу́ди. Даст ти Госпо́дь по се́рдцу твоему́ и весь сове́т твой испо́лнит. Возра́дуемся о спасе́нии твое́м и во и́мя Го́спода Бо́га на́шего возвели́чимся. Испо́лнит Госпо́дь вся проше́ния твоя́. Ны́не позна́х, я́ко спасе́ Госпо́дь Христа́ Своего́, услы́шит его с Небесе́ Свята́го Своего́, в си́лах спасе́ние десни́цы Его́. Си́и на колесни́цах и си́и на ко́нех, мы же во и́мя Го́спода Бо́га на́шего призове́м. Ти́и спя́ти бы́ша и падо́ша, мы же воста́хом и испра́вихомся. Го́споди, спаси́ царя́ и услы́ши ны, во́ньже а́ще день призове́м Тя.

Г о́споди, си́лою Твое́ю возвесели́тся царь и о спасе́нии Твое́м возра́дуется зело́. Жела́ние се́рдца его́ дал еси́ ему́, и хоте́ния устну́ его́ не́си лиши́л его́. Яко предвари́л еси́ его́ благослове́нием благосты́нным, положи́л еси́ на главе́ его́ вене́ц от ка́мене че́стна. Живота́ проси́л есть у Тебе ́, и дал еси́ ему́ долготу́ дний во век ве́ка. Ве́лия сла́ва его́ спасе́нием Твои́м, сла́ву и велеле́пие возложи́ши на него́. Яко да́си ему́ благослове́ние во век ве́ка, возвесели́ши его́ ра́достию с лице́м Твои́м. Яко царь упова́ет на Го́спода, и ми́лостию Вы́шняго не подви́жится. Да обря́щется рука́ Твоя́ всем враго́м Твои́м, десни́ца Твоя́ да обря́щет вся ненави́дящия Тебе́. Яко положи́ши их, я́ко пещь о́гненную во вре́мя лица́ Твоего́; Госпо́дь гне́вом Свои́м смяте́т я, и снест их огнь. Плод их от земли́ погуби́ши, и се́мя их от сыно́в челове́ческих. Яко уклони́ша на Тя зла́я, помы́слиша сове́ты, и́хже не возмо́гут соста́вити. Яко положи́ши я хребе́т, во избы́тцех Твои́х угото́виши лице́ их. Вознеси́ся, Го́споди, си́лою Твое́ю, воспое́м и пое́м си́лы Твоя́.

Слава и ны́не: Трисвятое, по О тче наш:

Священник: Я ко Твое́ есть Ца́рство:

Чтец: А ми́нь. И тропари сия:

С паси́, Го́споди, лю́ди Твоя́ и благослови́ достоя́ние Твое́: побе́ды на сопроти́вныя да́руя, и Твое́ сохраня́я Кресто́м Твои́м жи́тельство.

Слава: В ознесы́йся на Крест во́лею, тезоимени́тому Твоему́ но́вому жи́тельству щедро́ты Твоя́ да́руй, Христе́ Бо́же; возвесели́ нас си́лою Твое́ю, побе́ды дая́ нам на сопоста́ты, посо́бие иму́щим Твое́ ору́жие ми́ра – непобеди́мую побе́ду.

И ны́не: П редста́тельство стра́шное и непосты́дное, не пре́зри, Блага́я, моли́тв на́ших, Всепе́тая Богоро́дице; утверди́ правосла́вных жи́тельство, спаси́ ве́рныя лю́ди Твоя́ и пода́ждь им с Небесе́ побе́ду; зане́ родила́ еси́ Бо́га, еди́на Благослове́нная.

Ектения сугубая: П оми́луй нас, Бо́же, по вели́цей ми́лости Твое́й:

Лик: Г о́споди, поми́луй. (Трижды на каждое прошение.)

Священник: Я ко ми́лостив и Человеколю́бец Бог еси́:

Лик: А ми́нь. И менем Госпо́дним благослови́, о́тче.

Священник: С ла́ва Святе́й, и Единосу́щней, и Животворя́щей, и Неразде́льней Тро́ице всегда́, ны́не и при́сно и во ве́ки веко́в.

Таже глаголем шестопсалмие со всяким вниманием и страхом Божиим, яко самому собеседующе Христу́ Бо́гу на́шему невидимо, и моляще о гресех наших.

Чтец: С лава в вы́шних Бо́гу, и на земли́ мир, в челове́цех благоволе́ние. (Трижды.)

Г о́споди, устне́ мои́ отве́рзеши, и уста́ моя́ возвестя́т хвалу́ Твою́. (Дважды.)

Г о́споди, что ся умно́жиша стужа́ющии ми? Мно́зи востаю́т на мя, мно́зи глаго́лют души́ мое́й: несть спасе́ния ему в Бо́зе его́. Ты же, Го́споди, Засту́пник мой еси́, сла́ва моя́, и вознося́й главу́ мою́. Гла́сом мои́м ко Го́споду воззва́х и услы́ша мя от горы́ святы́я Своея́. Аз усну́х и спах; воста́х, я́ко Госпо́дь засту́пит мя. Не убою́ся от тем лю́дей, о́крест напа́дающих на мя. Воскресни́, Го́споди, спаси́ мя, Бо́же мой, я́ко Ты порази́л еси́ вся вражду́ющия ми всу́е, зу́бы гре́шников сокруши́л еси́. Госпо́дне есть спасе́ние, и на лю́дех Твои́х благослове́ние Твое́.

А з усну́х и спах; воста́х, яко Госпо́дь засту́пит мя.

Г о́споди, да не я́ростию Твое́ю обличи́ши мене́, ниже́ гне́вом Тво́им нака́жеши мене́. Яко стре́лы Твоя́ унзо́ша во мне и утверди́л еси́ на мне ру́ку Твою́. Несть исцеле́ния в пло́ти мое́й от лица́ гне́ва Твоего́, несть ми́ра в косте́х мои́х от лица́ грех мои́х. Яко беззако́ния моя́ превзыдо́ша главу́ мою́, я́ко бре́мя тя́жкое отяготе́ша на мне. Возсмерде́ша и согни́ша ра́ны моя́ от лица́ безу́мия моего́. Пострада́х и сляко́хся до конца́, весь день се́туя хожда́х. Яко ля́двия моя́ напо́лнишася поруга́ний, и несть исцеле́ния в пло́ти мое́й. Озло́блен бых и смири́хся до зела́, рыка́х от воздыха́ния се́рдца моего́. Го́споди, пред Тобо́ю все жела́ние мое́, и воздыха́ние мое́ от Тебе ́ не утаи́ся. Се́рдце мое́ смяте́ся, оста́ви мя си́ла моя́ и свет о́чию мое́ю, и той несть со мно́ю. Дру́зи мои́ и и́скреннии мои́ пря́мо мне прибли́жишася и ста́ша. И бли́жнии мои́ отдале́че мене́ ста́ша, и нужда́хуся и́щущии ду́шу мою́; и и́щущии зла́я мне, глаго́лаху су́етная, и льсти́вным весь день поуча́хуся. Аз же яко глух не слы́шах, и я́ко нем не отверза́яй уст свои́х. И бых я́ко челове́к не слы́шай, и не имы́й во усте́х свои́х обличе́ния. Яко на Тя, Го́споди, упова́х, Ты услы́шиши, Го́споди Бо́же мой. Яко рех: да не когда ́ пора́дуют ми ся врази́ мои́, и внегда́ подвижа́тися нога́м мои́м, на мя велере́чеваша. Яко аз на ра́ны гото́в, и боле́знь моя́ пре́до мно́ю есть вы́ну. Яко беззако́ние мое́ аз возвещу́ и попеку́ся о гресе́ мое́м. Врази́ же мои́ живу́т, и укрепи́шася па́че мене́, и умно́жишася ненави́дящиимя без пра́вды. Воздаю́щии ми зла́я возблага́я оболга́ху мя, зане́ гоня́х благосты́ню. Не оста́ви мене́, Го́споди Бо́же мой, не отступи́ от мене ́. Вонми́ в по́мощь мою́, Го́споди спасе́ния моего́.

Н е оста́ви мене́, Го́споди Бо́же мой, не отступи́ от мене ́. Вонми́ в помо́щь мою́, Го́споди спасе́ния моего́.

Б о́же, Бо́же мой, к Тебе́ у́тренюю: возжада́ Тебе́ душа́ моя́, коль мно́жицею Тебе́ плоть моя́, в земле́ пу́сте и непрохо́дне и безво́дне. Та́ко во святе́м яви́хся Тебе́, ви́дети си́лу Твою́ и сла́ву Твою́. Яко лу́чши ми́лость Твоя́ па́че живо́т, устне́ мои́ похвали́те Тя. Та́ко благословлю́ Тя в животе́ мое́м, о и́мени Твое́м воздежу́ ру́це мои́. Яко от ту́ка и ма́сти да испо́лнится душа́ моя́, и устна́ма ра́дости восхва́лят Тя уста́ моя́. Аще помина́х Тя на посте́ли мое́й, на у́тренних поуча́хся в Тя: я́ко был еси́ Помо́щник мой, и в кро́ве крилу́ Твое́ю возра́дуюся. Прильпе́ душа́ моя́ по Тебе́, мене́ же прия́т десни́ца Твоя́. Ти́и же всу́е иска́ша ду́шу мою́, вни́дут в преиспо́дняя земли́. Предадя́тся в ру́ки ору́жия, ча́сти ли́совом бу́дут. Царь же возвесели́тся о Бо́зе, похва́лится всяк клены́йся Им, я́ко загради́шася уста́ глаго́лющих непра́ведная.

Н а у́тренних поуча́хся в Тя, я́ко был еси́ Помо́щник мой, и в кро́ве крилу́ Твое́ю возра́дуюся.

П рильпе́ душа́ моя́ по Тебе́, мене́ же прия́т десни́ца Твоя́.

Слава, и ны́не: А ллилу́ия, аллилу́ия, аллилу́ия, сла́ва Тебе́, Бо́же. (Трижды.)

Г о́споди, поми́луй. (Трижды.) С лава, и ны́не:

По трех же псалмах шестопсалмия иерей глаголет молитвы утренния, стояй непокровен пред царскими дверьми.

Г о́споди Бо́же спасе́ния моего́, во дни воззва́х и в нощи́ пред Тобо́ю. Да вни́дет пред Тя моли́тва моя́, приклони́ у́хо Твое́ к моле́нию моему́. Яко испо́лнися зол душа́ моя́, и живо́т мой а́ду прибли́жися. Привмене́н бых с низходя́щими в ров, бых я́ко челове́к без по́мощи, в ме́ртвых свобо́дь. Яко я́звеннии спя́щии во гро́бе, и́хже не помяну́л еси́ ктому́, и ти́и от руки́ Твоея́ отринове́ни бы́ша. Положи́ша мя в ро́ве преиспо́днем, в те́мных и се́ни сме́ртней. На мне утверди́ся я́рость Твоя́, и вся во́лны Твоя́ наве́л еси́ на мя. Уда́лил еси́ зна́емых мои́х от мене ́, положи́ша мя ме́рзость себе́, пре́дан бых и не исхожда́х. Очи мои́ изнемого́сте от нищеты́; воззва́х к Тебе́, Го́споди, весь день, возде́х к Тебе́ ру́це мои́. Еда́ ме́ртвыми твори́ши чудеса́? Или́ вра́чеве воскреся́т, и испове́дятся Тебе́? Еда́ пове́сть кто во гро́бе ми́лость Твою́, и исти́ну Твою́ в поги́бели? Еда́ позна́на бу́дут во тьме чудеса́ Твоя́, и пра́вда Твоя́ в земли́ забве́нней? И аз к Тебе́, Го́споди, воззва́х, и у́тро моли́тва моя́ предвари́т Тя. Вску́ю, Го́споди, отре́еши ду́шу мою́, отвраща́еши лице́ Твое́ от мене ́? Нищь есмь аз, и в труде́х от ю́ности моея́, возне́с же ся, смири́хся и изнемого́х. На мне преидо́ша гне́ви Твои́, устраше́ния Твоя́ возмути́ша мя. Обыдо́ша мя я́ко вода́, весь день одержа́ша мя вку́пе. Уда́лил еси́ от мене ́ дру́га и и́скренняго, и зна́емых мои́х от страсте́й.

Г о́споди Бо́же спасе́ния моего́, во дни воззва́х и в нощи́ пред Тобо́ю. Да вни́дет пред Тя моли́тва моя́, приклони́ у́хо Твое́ к моле́нию моему́.

Б лагослови́, душе́ моя́, Го́спода, и вся вну́тренняя моя́ и́мя свято́е Его́. Благослови́, душе́ моя́, Го́спода, и не забыва́й всех воздая́ний Его́. Очища́ющаго вся беззако́ния твоя́, исцеля́ющаго вся неду́ги твоя́; избавля́юшаго от истле́ния живо́т твой, венча́ющаготя ми́лостию и щедро́тами; исполня́ющаго во благи́х жела́ние твое́: обнови́тся я́ко о́рля ю́ность твоя́. Творя́й ми́лостыни Госпо́дь, и судьбу́ всем оби́димым. Сказа́ пути́ Своя́ Моисе́ови, сыново́м Изра́илевым хоте́ния Своя́. Щедр и ми́лостив Госпо́дь, долготерпели́в и многоми́лостив. Не до конца́ прогне́вается, ниже́ в век вражду́ет. Не по беззако́нием на́шим сотвори́л есть нам, ниже́ по грехо́м на́шим возда́л есть нам. Яко по высоте́ небе́сней от земли́, утверди́л есть Госпо́дь ми́лость Свою́ на боя́щихся Его́. Ели́ко отстоя́т восто́цы от за́пад, уда́лил есть от нас беззако́ния на́ша. Якоже ще́дрит оте́ц сы́ны, уще́дри Госпо́дь боя́щихся Его́. Яко Той позна́ созда́ние на́ше, помяну́, я́ко персть есмы́. Челове́к, я́ко трава́ дни́е его́, я́ко цвет се́льный, та́ко отцвете́т. Яко дух про́йде в нем, и не бу́дет, и не позна́ет ктому́ ме́ста своего́. Ми́лость же Госпо́дня от ве́ка и до ве́ка на боя́щихся Его́. И пра́вда Его́ на сыне́х сыно́в, храня́щих заве́т Его́ и по́мнящих за́поведи Его́ твори́ти я. Госпо́дь на Небеси́ угото́ва Престо́л Свой, и Ца́рство Его́ все́ми облада́ет. Благослови́те Го́спода, вси Ангели Его́, си́льнии кре́постию, творя́щии сло́во Его́, услы́шати глас слове́с Его. Благослови́те Го́спода, вся Си́лы Его́, слуги́ Его́, творя́щии во́лю Его́. Благослови́те Го́спода, вся дела́ Его́. На вся́ком ме́сте влады́чествия Его́, благослови́, душе́ моя́, Го́спода.

Н а вся́ком ме́сте влады́чествия Его́, благослови́, душе́ моя́, Го́спода.

Г о́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя в пра́вде Твое́й. И не вни́ди в суд с рабо́м Твои́м, я́ко не оправди́тся пред Тобо́ю всяк живы́й. Яко погна́ враг ду́шу мою́, смири́л есть в зе́млю живо́т мой. Посади́л мя есть в те́мных, я́ко ме́ртвыя ве́ка, и уны́ во мне дух мой, во мне смяте́ся се́рдце мое́. Помяну́х дни дре́вния, поучи́хся во всех де́лех Твои́х, в творе́ниих руку́ Твое́ю поуча́хся. Возде́х к Тебе́ ру́це мои́, душа́ моя́, я́ко земля́ безво́дная Тебе́. Ско́ро услы́ши мя, Го́споди, исчезе́ дух мой: не отврати́ лица́ Твоего́ от мене ́, и уподо́блюся низходя́щим в ров. Слы́шану сотвори́ мне зау́тра ми́лость Твою́, я́ко на Тя упова́х. Скажи́ мне, Го́споди, путь, во́ньже пойду́, я́ко к Тебе́ взях ду́шу мою́. Изми́ мя от враг мои́х, Го́споди, к Тебе́ прибего́х. Научи́ мя твори́ти во́лю Твою́, я́ко Ты еси́ Бог мой. Дух Твой Благи́й наста́вит мя на зе́млю пра́ву. Имене Твоего́ ра́ди, Го́споди, живи́ши мя, пра́вдою Твое́ю изведе́ши от печа́ли ду́шу мою́. И ми́лостию Твое́ю потреби́ши враги́ моя́, и погуби́ши вся стужа́ющия души́ мое́й, я́ко аз раб Твой есмь.

У слы́ши мя, Го́споди, в пра́вде Твое́й, и не вни́ди в суд с рабо́м Твои́м.

У слы́ши мя, Го́споди, в пра́вде Твое́й, и не вни́ди в суд с рабо́м Твои́м.

Д ух Твой Благи́й наста́вит мя на зе́млю пра́ву.

С лава, и ны́не: А ллилу́ия, аллилу́ия, аллилу́ия, сла́ва Тебе́, Бо́же. (Трижды.)

Диакон: М и́ром Го́споду помо́лимся.

Лик: Г о́споди, поми́луй. (На каждое прошение)

Диакон: О Свы́шнем ми́ре и спасе́нии душ на́ших, Го́споду помо́лимся.

О ми́ре всего́ ми́ра, благостоя́нии Святы́х Бо́жиих Церкве́й и соедине́нии всех, Го́споду помо́лимся.

О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

О вели́ком Го́споди́не и Отце́ на́шем Святе́йшем Патриа́рхе Кири́лле, [ и о Го́споди́не на́шем Высокопреосвяще́ннейшем митрополи́те Ювена́лии [или: П реосвяще́ннейшем архиепи́скопе, или: П реосвяще́ннейшем епи́скопе (имярек)] , честне́м пресви́терстве, во Христе́ диа́констве, о всем при́чте и лю́дех, Го́споду помо́лимся.

О Богохрани́мей стране́ на́шей, власте́х и во́инстве ея́, Го́споду помо́лимся.

О гра́де сем (или: о ве́си сей; если в монастыре, то: о святе́й оби́тели сей ) , вся́ком гра́де, стране́ и ве́рою живу́щихв них, Го́споду помо́лимся.

Читайте также:  Кто имеет право выписывать счет справки

О благорастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

О изба́витися нам от вся́кия ско́рби, гне́ва и ну́жды, Го́споду помо́лимся.

З аступи́, спаси́, поми́луй и сохрани́ нас, Бо́же, Твое́ю благода́тию.

П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́, и друг дру́га, и весь живо́т наш Христу́ Бо́гу предади́м.

Лик: Т ебе́, Го́споди.

Иерей: Я ко подоба́ет Тебе́ вся́кая сла́ва, честь и поклоне́ние, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Тропари на Бог Господь

Диакон: Б ог Госпо́дь, и яви́ся нам, благослове́н Гряды́й во имя Госпо́дне.

Лик: Б ог Госпо́дь, и яви́ся нам, благослове́н Гряды́й во и́мя Госпо́дне.

И тако на каждый стих по гласу тропаря святаго Минеи.

Стих 1: И спове́дайтеся Го́сподеви, я́ко Благ, я́ко в век ми́лость Его.

Стих 2: О быше́дше обыдо́ша мя, и и́менем Госпо́дним противля́хся им.

Стих 3: Н е умру́, но жив бу́ду, и пове́м дела́ Госпо́дня.

Стих 4: К а́мень, Его́же небрего́ша зи́ждущии, Сей бысть во главу́ у́гла, от Го́спода бысть Сей, и есть ди́вен во очесе́х на́ших.

И поет лик тропарь случившегося святаго дважды, С лава, и ны́не: Богородичен в тойже глас, от менших.

Если случится два тропаря, всегда первый глаголется дважды,таже, С лава: вторый тропарь, И ны́не: Богородичен.

Лик: Г о́споди, поми́луй. (Трижды)

С ла́ва Отцу́ и Сы́ну и Свято́му Ду́ху.

Чтец: И ны́не и при́сно и во ве́ки веко́в. Ами́нь!

И чтет 1-ю Славу кафисмы.

По скончании ея чтец глаголет: С ла́ва Отцу́ и Сы́ну и Свято́му Ду́ху.

Лик: И ны́не и при́сно и во ве́ки веко́в. Ами́нь.

А ллилу́ия, аллилу́ия, аллилу́ия, сла́ва Тебе́, Бо́же. (Трижды.)

Г о́споди, поми́луй. (Трижды.)

С лава Отцу́ и Сы́ну и Свято́му Ду́ху.

Чтец: И ны́не и при́сно и во ве́ки веко́в. Ами́нь.

И чтет 2-ю Славу кафисмы.

Такожде и по второй Славе опеваем подобно.

По третьей Славе:

Чтец: С ла́ва и ны́не: Аллилу́ия, аллилу́ия, аллилу́ия, сла́ва Тебе́, Бо́же. (Трижды.)

Посем малой ектении несть, но чтец глаголет: Г о́споди, поми́луй. (Трижды). И чтет седальны по первом стихословии,иже в Октоихе наряду писаны.

И абие лик: Г о́споди, поми́луй. (Трижды)

С ла́ва Отцу́ и Сы́ну и Свято́му Ду́ху.

Чтец: И ны́не и при́сно и во ве́ки веко́в. Ами́нь.

И стихословим следующую кафисму, и припеваем Славы,якоже предуказуяся, и посем седальны по 2-м стихословии.

По скончании же седальнов, чтец глаголет: Г о́споди, поми́луй (трижды). С лава, и ны́не: и чтет псалом 50-й:

П оми́луй мя, Бо́же, по вели́цей ми́лости Твое́й и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́ и от греха́ моего́ очи́сти мя. Яко беззако́ние мое́ аз зна́ю, и грех мой пре́до мно́ю есть вы́ну. Тебе́ еди́ному согреши́х и лука́вое пред Тобо́ю сотвори́х; я́ко да оправди́шися во словесе́х Твои́х и победи́ши, внегда́ суди́ти Ти. Себо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́, безве́стная и та́йная прему́дрости Твоея́ яви́л ми еси́. Окропи́ши мя иссо́пом и очи́щуся; омы́еши мя и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ отгрех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе моей. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене ́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Яко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския; тогда́ благоволи́ши же́ртву пра́вды, возноше́ние и всесожега́емая; тогда́ возложа́т на олта́рь Твой тельцы́.

Поем канон Осмогласника и Минеи. Ирмосы Октоиха,от перваго канона. Тропари Октоиха обоих канонов, и Минеиедин канон. Аще устав изволяет пети два канона Минеи,то предваряет Октоиха един канон. Закрываются только 3-я,6-я, 8-я и 9-я песни канона, ирмосами последнего канона Минеи.Рядовая катавасия («Отверзу уста», или иная) во вседневнойутрене не поется.

По 3-й песни канона ектения малая, седален Минеи,С лава, и ны́не: Богородичен.

По 6-й песни ектения, кондак и икос Минеи.

По 8-й песни поем: Х ва́лим, благослови́м, покланя́емся Го́сподеви, пою́ще и превознося́ще вовся ве́ки.

И абие ирмос канона Минеи.

Диакон: Б огоро́дицу и Мате́рь Све́та в пе́снех возвели́чим.

Песнь Пресвятой Богородицы

В ели́чит душа́ Моя́ Го́спода, / и возра́довася дух Мой о Бо́зе Спа́се Мое́м.

Ч естне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу Тя велича́ем.

Я ко призре́ на смире́ние рабы́ Своея́, / себе от ны́не ублажа́т Мя вси ро́ди.

Я ко сотвори́ Мне вели́чие Си́льный, / и свя́то и́мя Его́, и ми́лость Его́ в ро́ды родо́в боя́щимся Его́.

С отвори державу мышцею Своею, / расточигордыя мыслию сердца их.

Н изложи́ си́льныя со престо́л / и вознесе́ смире́нныя, / а́лчущия испо́лни благ / и богатя́щияся отпусти́ тщи.

В осприя́т Изра́иля о́трока Своего́, / помяну́ти ми́лости, / я́коже глаго́ла ко отце́м нашим, / Авраа́му и се́мени его́, да́же до ве́ка.

И абие 9-я песнь канона. И ирмос Минеи.

Посем: Д осто́йно есть, я́ко вои́стинну / блажи́ти Тя, Богоро́дицу, / Присноблаже́нную и Пренепоро́чную / и Ма́терь Бо́га на́шего. / Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, // су́щую Богоро́дицу Тя велича́ем.

Таже ектения малая.

И глаголет чтец седмичный ексапостиларий Октоиха.

Н е́бо звезда́ми украси́вый я́ко Бог и Твои́ми Ангелы всю зе́млю просвети́вый, Соде́телю всех, пою́щия Тя спаса́й.

Слава, и ны́не, Богородичен: С ла́дость Ангелов, скорбя́щих ра́дость, христиа́н предста́тельница, Де́во Ма́ти Госпо́дня, заступи́ нас и изба́ви ве́чных мук.

П редте́чу Иоа́нна, и Крести́теля Спа́сова, во проро́цех проро́ка, и пусты́ни воспита́ние, Елисаве́тино рожде́ние восхва́лим вси.

Слава, и ны́не, Богородичен: С ла́дость а́нгелов:

В среду и пяток:

К рест – храни́тель всея́ вселе́нныя, Крест – красота́ Це́ркве, Крест – царе́й держа́ва, Крест – ве́рных утвержде́ние, Крест – Ангелов сла́ва и де́монов я́зва.

Слава, и ны́не, Крестобогородичен: У Креста́ предстоя́ще Тя безсе́менно Ро́ждшая, и рыда́юще вопия́ше: увы́, Сладча́йшее Ча́до, ка́ко заше́л еси́ от о́чию Мое́ю? Ка́ко в ме́ртвых вмени́лся еси́?

В о всю подсо́лнечную те́кше, пропове́дасте Христо́во от Де́вы свято́е воплоще́ние вои́стину, от пре́лести обраща́юще язы́ки и просвеща́юще, и вся науча́юще Тро́ицу почита́ти Святу́ю, апо́столи Спа́совы.

Слава: В ели́каго началопа́стыря и иера́рха вси, председа́теля Мирлики́йскаго Никола́я хва́лим: мно́ги бо му́жи спасе́, непра́ведно умре́ти иму́щия, царю́ явля́ется со Авла́вием во сне, реша́ непра́ведное изрече́ние.

И ны́не, Богородичен: М ари́е Чисте́йшая, злата́я кади́льнице, Невмести́маго Божества́ прия́телище бы́вшее, в Не́мже Оте́ц благоволи́, Сын же всели́ся, и Дух Святы́й осени́в Тя, Отрокови́цу, показа́ Богоро́дицу.

И же и ме́ртвыми и живы́ми облада́яй я́ко Бог, и святы́ми Твои́ми всю зе́млю просвети́вый, Соде́телю всех, пою́щия Тя спаса́й.

Слава, и ны́не, Богородичен: М ы о Тебе́ хва́лимся, Богоро́дице, и к Бо́гу Тя и́мамы предста́тельство, простри́ ру́ку Твою́ необори́мую, и сокруши́ враги́ на́ша, Твои́м низпосли́ рабо́м по́мощь от Свята́го.

И стихословим хвалитныя псалмы, 148, 149, 150:

Х вали́те Го́спода с Небе́с. Тебе́ подоба́ет песнь Бо́гу. Хвали́те Го́спода с Небе́с, хвали́те Его́ в вы́шних. Тебе́ подоба́ет песнь Бо́гу. Хвали́те Его́, вси Ангели Его́, хвали́те Его́, вся Си́лы Его́. Тебе́ подоба́ет песнь Бо́гу. Хвали́те Его́, со́лнце и луна́, хвали́те Его́, вся зве́зды и свет. Хвали́те Его́, небеса́ небе́с, и во́да, я́же превы́ше небе́с, да восхва́лят и́мя Госпо́дне. Яко Той рече́, и бы́ша, Той повеле́, и созда́шася. Поста́ви я в век и в век ве́ка, повеле́ние положи́, и не ми́мо и́дет. Хвали́те Го́спода, от земли́ зми́еве и вся бе́здны, огнь, град, снег, го́лоть, дух бу́рен, творя́щая сло́во Его́, го́ры и вси хо́лми, древа́ плодоно́сна и вси ке́дри, зве́рие и вси ско́ти, га́ди и пти́цы перна́ты, ца́рие зе́мстии и вси лю́дие, кня́зи и вси судии́ зе́мстии, юноши и де́вы, ста́рцы с ю́нотами да восхва́лят и́мя Госпо́дне, я́ко вознесе́ся и́мя Того́ Еди́наго. Испове́дание Его́ на земли́ и на Небеси́, и вознесе́т рог люде́й Свои́х. Песнь всем преподо́бным Его́, сыново́м Изра́илевым, лю́дем, приближа́ющимся Ему́.

В оспо́йте Го́сподеви песнь но́ву, хвале́ние Его́ в це́ркви преподо́бных. Да возвесели́тся Изра́иль о сотво́ршем его́, и сы́нове Сио́ни возра́дуются о Царе́ свое́м. Да восхва́лят и́мя Его́ в ли́це, в тимпа́не и псалти́ри да пою́т Ему́. Яко благоволи́т Госпо́дь в лю́дех Свои́х и вознесе́т кро́ткия во спасе́ние. Восхва́лятся преподо́бнии во сла́ве и возра́дуются на ло́жах свои́х. Возноше́ния Бо́жия в горта́ни их, и мечи́ обою́ду остры́ в рука́х их: сотвори́ти отмще́ние во язы́цех, обличе́ния в лю́дех, связа́ти цари́ их пу́ты, и сла́вныя их ручны́ми око́вы желе́зными. Сотвори́ти в них суд напи́сан, сла́ва сия́ бу́дет всем преподо́бным Его. Хвали́те Бо́га во святы́х Его́, хвали́те Его́ во утверже́нии си́лы Его́.

Аще есть в Минее хвалитные стихиры, глаголем их зде с прочими стихами:

На 4: Х вали́те Его́ на силах Его, / хвали́те Его́ по мно́жеству вели́чествия Его́.

Х вали́те Его́ во гла́се тру́бнем, / хвали́те Его́ во псалти́ри и гу́слех.

Х вали́те Его́ в тимпа́не и ли́це, / хвали́те Его́ во стру́нах и орга́не.

Х вали́те Его́ в кимва́лех доброгла́сных, хвали́те Его́ в кимва́лех восклица́ния. / Вся́кое дыха́ние да хва́лит Го́спода.

Слава и ны́не: (глаголем, егда несть хвалитных стихир Свято́му Минеи) Т ебе́ сла́ва подоба́ет, Го́споди Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно, и во ве́ки веко́в. Ами́нь .

И абие чтец: С ла́ва Тебе́, Показа́вшему нам свет.

С ла́ва в вы́шних Бо́гу, и на земли́ мир, в челове́цех благоволе́ние. Хва́лим Тя, благослови́м Тя, кла́няем Ти ся, славосло́вим Тя, благодари́м Тя, вели́кия ра́ди сла́вы Твоея́. Го́споди Царю́ Небе́сный, Бо́же Отче Вседержи́телю, Го́споди, Сы́не Единоро́дный, Иису́се Христе́, и Святы́й Ду́ше. Го́споди Бо́же, Агнче Бо́жий, Сы́не Оте́чь, взе́мляй грех ми́ра, поми́луй нас; взе́мляй грехи́ ми́ра, приими́ моли́тву на́шу; седя́й одесну́ю Отца́, поми́луй нас. Яко Ты еси́ един Свят, Ты еси́ еди́н Госпо́дь, Иису́с Христо́с, в сла́ву Бо́га Отца́, Ами́нь.

Н а всяк день благословлю́ Тя и восхвалю́ и́мя Твое́ во ве́ки и в век ве́ка.

Г о́споди, Прибе́жище был еси́ нам в род и род. Аз рех: Го́споди, поми́луй мя, исцели́ ду́шу мою́, я́ко согреши́х Тебе́. Го́споди, к Тебе́ прибего́х, научи́ мя твори́ти во́лю Твою́, я́ко Ты еси́ Бог мой; яко у Тебе ́ исто́чник живота́, во све́те Твое́м у́зрим свет. Проба́ви ми́лость Твою́ ве́дущим Тя.

Таже: С подо́би, Го́споди, в день сей без греха́ сохрани́тися нам. Благослове́н еси́, Го́споди Бо́же оте́ц на́ших, и хва́льно и просла́влено и́мя Твое́ во ве́ки. Ами́нь.

Б у́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми.

Г о́споди, ми́лость Твоя́ во век, дел руку́ Твое́ю не пре́зри. Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

Диакон: И спо́лним у́треннюю моли́тву на́шу Го́сподеви.

Лик: Г о́споди, поми́луй.

З аступи, спаси, поми́луй и сохрани́ нас, Бо́же, Твое́ю благода́тию.

Лик: Г о́споди, поми́луй.

Диакон: Д не всего соверше́нна, свя́та, ми́рна и безгре́шна у Го́спода про́сим.

Лик: П ода́й, Го́споди. (На каждое прошение)

Диакон: А нгела ми́рна, ве́рна наста́вника, храни́теля душ и теле́с на́ших, у Го́спода про́сим.

П роще́ния и оставле́ния грехо́в и прегреше́ний на́ших у Го́спода про́сим.

Д о́брых и поле́зных душа́м на́шим и ми́ра ми́рови у Го́спода про́сим.

П ро́чее вре́мя живота́ на́шего в ми́ре и покая́нии сконча́ти, у Го́спода про́сим.

Х ристиа́нския кончи́ны живота́ на́шего, безболе́зненны, непосты́дны, ми́рны и до́браго отве́та на Стра́шнем Суди́щи Христо́ве, про́сим.

П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и При́сноде́ву Мари́ю, со все́ми святы́ми помяну́вше, са́ми себе́, и друг дру́га, и весь живо́т наш Христу́ Бо́гу предади́м.

Лик: Т ебе́, Го́споди.

Иерей (возглашает): Я ко Бог ми́лости и щедро́т и человеколю́бия еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Иерей: М ир всем.

Лик: И ду́хови твоему́.

Диакон: Г лавы́ на́ша Го́сподеви прикло́ним.

Лик: Т ебе́, Го́споди.

Священник тайно глаголет молитву и возглашает: Т вое́ бо есть, е́же ми́ловати и спаса́ти ны, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

И поем стихиру на стиховне Октоиха, самогласен.

Стих: И спо́лнихомся зау́тра ми́лости Твоея́, Го́споди, и возра́довахомся, и возвесели́хомся, вовся дни на́ша возвесели́хомся, за дни, в ня́же смири́л ны еси́, ле́та, в ня́же ви́дехом зла́я. И при́зри на рабы́ Твоя́, и на дела́ Твоя́, / и наста́ви сы́ны их.

Иная стихира Октоиха.

Стих: И бу́ди све́тлость Го́спода Бо́га на́шего на нас, и дела́ рук на́ших испра́ви на нас, / и де́ло рук на́ших испра́ви.

С лава: Свято́му Минеи. Аще же ни, С лава и ны́не: Богородичен или Крестобогородичен.

Таже, чтец: Б ла́го есть испове́датися Го́сподеви и пе́ти и́мени Твоему́, Вы́шний, возвеща́ти зау́тра ми́лость Твою́ и и́стину Твою́ на вся́ку нощь.

Трисвятое, по О тче наш: возглас: Я ко Твое́ есть Ца́рство:

И поем тропарь Свято́му Минеи. С лава, и ны́не: Богородичен от менших.

Диакон: П оми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Г о́споди, поми́луй. (Трижды)

Диакон: Е ще́ мо́лимся о Вели́ком Господи́не и Отце́ нашем Святе́йшем Патриа́рхе Кири́лле, и о Господи́не на́шем Высокопреосвяще́ннейшем митрополи́те Ювена́лии, или: П реосвяще́ннейшем архиепи́скопе, или: П реосвяще́ннейшем епи́скопе (имярек)] , и всей во Христе́ бра́тии на́шей.

Е ще мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Е ще мо́лимся о блаже́нных и приснопа́мятных созда́телех свята́го хра́ма сего́ (если в монастыре: святы́я оби́тели сея́ ) , и о всех преждепочи́вших отце́х и бра́тиях, зде лежа́щих и повсю́ду, правосла́вных.

Е ще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́ (в монастыре: святы́я оби́тели сея́ ) .

Е ще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе ́ вели́кия и бога́тыя ми́лости.

Иерей (возглашает): Я ко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Диакон: П рему́дрость.

Лик: Б лагослови́.

Иерей: С ый благослове́н Христо́с Бог наш, все́гда, ны́не и при́сно и во ве́ки веко́в.

Лик: А ми́нь. Утверди́, Бо́же, / святу́ю правосла́вную ве́ру, правосла́вных христиа́н / во век ве́ка.

И чтется первый час.

Час первый

Чтец: П рииди́те, поклони́мся Царе́ви на́шему Бо́гу.

П рииди́те, поклони́мся и припаде́м Христу́, Царе́ви на́шему Бо́гу.

П рииди́те, поклони́мся и припаде́м Самому́ Христу́, Царе́ви и Бо́гу на́шему.

И псалмы 5, 89, 100:

Г лаго́лы моя́ внуши́, Го́споди, разуме́й зва́ние мое́. Вонми́ гла́су моле́ния моего́, Царю́ мой и Бо́же мой, я́ко к Тебе́ помолю́ся, Го́споди. Зау́тра услы́ши глас мой; зау́тра предста́ну Ти, и у́зриши мя. Яко Бог не хотя́й беззако́ния Ты еси́; не присели́тся к Тебе́ лука́внуяй, ниже́ пребу́дут беззако́нницы пред очи́ма Твои́ма. Возненави́дел еси́ вся де́лающия беззако́ние, погуби́ши вся глаго́лющия лжу: му́жа крове́й и льсти́ва гнуша́ется Госпо́дь. Аз же мно́жеством ми́лости Твоея́, вни́ду в дом Твой, поклоню́ся ко хра́му Свято́му Твоему́ в стра́се Твое́м. Го́споди, наста́ви мя пра́вдою Твое́ю, враг мои́х ра́ди испра́ви пред Тобо́ю путь мой. Яко несть во усте́х их и́стины, се́рдце их су́етно, гроб отве́рст горта́нь их, язы́ки свои́ми льща́ху. Су́ди им, Бо́же, да отпаду́т от мы́слей свои́х, по мно́жеству нече́стия их изри́ни я, я́ко преогорчи́ша Тя, Го́споди. И да возвеселя́тся вси упова́ющии на Тя, во век возра́дуются, и всели́шися в них, и похва́лятся о Тебе́ лю́бящии и́мя Твое́. Яко Ты благослови́ши пра́ведника, Го́споди, я́ко ору́жием благоволе́ния ве́нчал еси́ нас.

Г о́споди, Прибе́жище был еси́ нам в род и род. Пре́жде да́же гора́м не бы́ти и созда́тися земли́ и вселе́нней, и от ве́ка и до ве́ка Ты еси́. Не отврати́ челове́ка во смире́ние, и рекл еси́: обрати́теся, сы́нове челове́честии. Яко ты́сяща лет пред очи́ма Твои́ма, Го́споди, я́ко день вчера́шний, и́же мимои́де, и стра́жа нощна́я. Уничиже́ния их ле́та бу́дут; у́тро я́ко трава́ мимои́дет, у́тро процвете́т и пре́йдет; на ве́чер отпаде́т, ожесте́ет и и́зсхнет. Яко исчезо́хом гне́вом Твои́м и я́ростию Твое́ю смути́хомся. Положи́л еси́ беззако́ния на́ша пред Тобо́ю, век наш в просвеще́ние лица́ Твоего́. Яко вси дни́е на́ши оскуде́ша, и гне́вом Твои́м исчезо́хом. Ле́та на́ша я́ко паучи́на поуча́хуся, дни́е лет на́ших, в ни́хже се́дмьдесят лет, а́ще же в си́лах, о́смьдесят лет, и мно́жае их труд и боле́знь; я́ко прии́де кро́тость на ны, и нака́жемся. Кто весть держа́ву гне́ва Твоего́? И от стра́ха Твоего́ я́рость Твою́ исчести́? Десни́цу Твою́ та́ко скажи́ ми, и окова́нныя се́рдцем в му́дрости. Обрати́ся, Го́споди, доко́ле? И умоле́н бу́ди на рабы́ Твоя́. Испо́лнихомся зау́тра ми́лости Твоея́, Го́споди, и возра́довахомся, и возвесели́хомся. Вовся дни на́ша возвесели́хомся, за дни, в ня́же смири́л ны еси́, ле́та, в ня́же ви́дехом злая. И при́зри на рабы́ Твоя́, и на дела́ Твоя́, и наста́ви сы́ны их. И бу́ди све́тлость Го́спода Бо́га на́шего на нас, и дела́ рук на́ших испра́ви на нас, и де́ло рук на́ших испра́ви.

М и́лость и суд воспою́ Тебе́, Го́споди; пою́ и разуме́ю в пути́ непоро́чне, когда́ прии́деши ко мне? Прехожда́х в незло́бии се́рдца моего́ посреде́ до́му моего́. Не предлага́х пред очи́ма мои́ма вещь законопресту́пную, творя́щия преступле́ние возненави́дех. Не прильпе́ мне се́рдце стропти́во, уклоня́ющагося от мене ́ лука́ваго не позна́х. Оклевета́юшаго тай и́скренняго своего́, сего́ изгоня́х; го́рдым о́ком и несы́тым се́рдцем, с сим не ядя́х. Очи мои́ на ве́рныя земли́, посажда́ти я со мно́ю; ходя́й по пути́ непоро́чну, сей ми служа́ше. Не живя́ше посреде́ до́му моего́ творя́й горды́ню; глаго́ляй непра́ведная, не исправля́ше пред очи́ма мои́ма. Во у́трия избива́х вся гре́шныя земли́, е́же потреби́ти от гра́да Госпо́дня вся де́лающия беззако́ние.

С лава, и ны́не: А ллилу́ия, аллилу́ия, аллилу́ия, сла́ва Тебе, Бо́же. (Трижды.)

Г о́споди, поми́луй (трижды). С ла́ва Отцу́ и Сы́ну и Свято́му Ду́ху.

И чтет тропарь святаго Минеи. Аще в сей день два тропаря, первый глаголется до Славы, а второй – после.

Чтец: И ны́не, и при́сно, и во ве́ки веко́в. Ами́нь. Что тя нарече́м, о Благода́тная? Не́бо, я́ко возсия́ла еси́ Со́лнце Пра́вды. Рай, я́ко прозябла́ еси́ Цвет Нетле́ния. Де́ву, я́ко пребыла́ еси́ нетле́нна. Чи́стую Ма́терь, я́ко име́ла еси́ на святы́х Твои́х объя́тиях Сы́на, всех Бо́га. Того́ моли́ спасти́ся душа́м на́шим.

С топы́ моя́ напра́ви по словеси́ Твоему́, и да не облада́ет мно́ю вся́кое беззако́ние. Изба́ви мя от клеветы́ челове́ческия, и сохраню́ за́поведи Твоя́. Лице́ Твое́ просвети́ на раба́ Твоего́, и научи́ мя оправда́нием Твои́м.

Д а испо́лнятся уста́ моя́ хвале́ния Твоего́, Го́споди, я́ко да воспою́ сла́ву Твою́, весь день великоле́пие Твое́.

Трисвятое: По О тче наш:

Священник: Я ко твое́ есть Ца́рство: Чтец: Ами́нь!

И чтет кондак святаго Минеи.

Таже, Г о́споди, поми́луй. (40)

И же на вся́кое вре́мя и на вся́кий час, на Небеси́ и на земли́ покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, Иже пра́ведныя любя́й и гре́шныя ми́луяй, Иже вся зовы́й ко спасе́нию, обеща́ния ра́ди бу́дущих благ. Сам, Го́споди, приими́ и на́ша в час сей моли́твы, и испра́ви живо́т наш к за́поведем Твои́м. Ду́ши на́ша освяти́, телеса́ очи́сти, помышле́ния испра́ви, мы́сли очи́сти, и изба́ви нас от вся́кия ско́рби, зол и боле́зней, огради́ нас святы́ми Твои́ми Ангелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в. Ами́нь.

Читайте также:  Справка по выслуге лет что это

Г о́споди, поми́луй (трижды). С лава, и ны́не: Ч естне́йшую Херуви́м: И менем Госпо́дним благослови́, о́тче.

Священник: Б о́же уще́дри ны и благослови́ ны, просвети́ лице́ Твое́ на ны и поми́луй ны. Чтец: А ми́нь.

Таже священник: Х ристе́, Све́те Истинный, просвеща́яй и освяща́яй вся́каго челове́ка, гряду́щаго в мир, да зна́менается на нас свет лица́ Твоего́, да в нем у́зрим Свет непристу́пный, и испра́ви стопы́ на́ша к де́ланию за́поведей Твои́х, моли́твами Пречи́стыя Твоея́ Ма́тере и всех Твои́х святы́х. Ами́нь.

Лик по обычаю поет кондак во глас 8:

В збра́нной Воево́де победи́тельная, / я́ко изба́вльшеся от злых, / благода́рственная воспису́ем Ти раби́ Твои́, Богоро́дице, / но я́ко иму́щая держа́ву непобеди́мую, / от вся́ких нас бед свободи́, да зове́м Ти: // ра́дуйся, Неве́сто Неневе́стная.

(В попразднство двунадесятых праздников по обычаю вместо: Взбранной воеводе: поем кондак праздника)

Священник: С ла́ва Тебе́, Христе́ Бо́же, Упова́ние на́ше, сла́ва Тебе́.

Лик: С лава, и ны́не: Г о́споди, поми́луй (трижды). Б лагослови́.

Иерей произносит отпуст: Х ристо́с Истинный Бог наш, моли́твами Пречи́стыя Своея́ Ма́тери, святы́х сла́вных и всехва́льных апо́стол, и свята́го (имярек), егоже есть храм и егоже есть день] , святы́х и пра́ведных Богооте́ц Иоаки́ма и Анны и всех святы́х, поми́лует и спасе́т нас, я́ко Благ и Человеколю́бец.

Лик: В ели́каго Го́сподина и Отца́ на́шего Кири́лла, Святе́йшаго Патриа́рха Моско́вскаго и всея́ Руси́, / и Господи́на на́шего Высокопреосвяще́ннейшаго Ювена́лия, митрополи́та Крути́цкаго и Коло́менскаго, или: П реосвяще́ннейшего архиепи́скопа, или: П реосвяще́ннейшего епи́скопа имя рек] , / Богохрани́мую страну́ на́шу Росси́йскую, / настоя́теля, бра́тию и прихо́жан свята́го хра́ма сего́, / и вся правосла́вныя христиа́ны, / Го́споди, сохрани́ их на мно́гая ле́та.

Приложение

Вседневные антифоны, певаемые на Бо́жественной Литургии

Стих 1: Б ла́го есть испове́датися Го́сподеви.

Припев: М оли́твами Богоро́дицы, Спа́се, спаси́ нас.

Стих 2: Б ла́го есть исповеда́тися Го́сподеви / и пе́ти и́мени Твоему́, Вы́шний.

Припев: М оли́твами Богоро́дицы:

Стих 3: В озвеща́ти зау́тра ми́лость Твою́ / и и́стину Твою́ на вся́ку нощь.

Припев: М оли́твами Богоро́дицы:

Стих 4: Я ко прав Госпо́дь Бог наш, / и несть непра́вды в Нем.

Припев: М оли́твами Богоро́дицы:

С ла́ва Отцу́ и Сы́ну / и Свято́му Ду́ху.

Припев: М оли́твами Богоро́дицы:

И ны́не и при́сно / и во ве́ки веко́в. Ами́нь.

Припев: М оли́твами Богоро́дицы:

Стих 1: Г оспо́дь воцари́ся, в ле́поту облече́ся.

Припев: М оли́твами святы́х Твои́х, Спа́се, спаси́ нас.

Стих 2: Г оспо́дь воцари́ся, в ле́поту облече́ся, / облече́ся Госпо́дь в си́лу и препоя́сася.

Припев: М оли́твами святы́х Твои́х:

Стих 3: И бо утверди́ вселе́нную, / я́же не подви́жится.

Припев: М оли́твами святы́х Твои́х:

Стих 4: С виде́ния Твоя́ уве́ришася зело́: / до́му Твоему́ подоба́ет святы́ня, Го́споди, в долготу́ дний.

Припев: М оли́твами святы́х Твои́х:

Слава, и ны́не: Е диноро́дный Сы́не:

Стих 1: П рииди́те, возра́дуемся Го́сподеви, / воскли́кнем Бо́гу, Спаси́телю на́шему.

Припев: С паси́ ны, Сы́не Бо́жий, во святы́х ди́вен Сый, пою́щия Ти: аллилу́ия.

Стих 2: П редвари́м лице́ Его́ во испове́дании, / и во псалме́х воскли́кнем Ему́.

Припев: С паси́ ны, Сы́не Бо́жий:

Стих 3: Я ко Бог ве́лий Госпо́дь / и Царь ве́лий по всей земли́.

Припев: С паси́ ны, Сы́не Бо́жий:

Стих 4: Я ко в руце́ Его́ вси концы́ земли́ / и высоты́ гор Того́ суть.

Припев: С паси́ ны, Сы́не Бо́жий:

Стих 5: Я ко Того́ есть мо́ре, и Той сотвори́ е, / и су́шу ру́це Его́ созда́сте.

Припев: С паси́ ны, Сы́не Бо́жий:

По входе же Евангелия поем входное:

П рииди́те, поклони́мся и припаде́м ко Христу́.

С паси́ ны, Сы́не Бо́жий, во святы́х ди́вен Сый, пою́щия Ти: аллилу́ия.

(Тропари и кондаки же поем по уставу)

Краткий устав-схема субботней службы (Аще Бог Господь)

В пяток вечера

Чтец: П рииди́те, поклони́мся: трижды.

Предначинательный псалом (см. выше)

Великая ектения: М и́ром Го́споду помо́лимся:

Г о́споди воззва́х: поем во глас Минеи, и поставим стихов 6. (А ще беззако́ния на́зриши: )

[Если святой Минеи имеет 6 стихир, то все стихиры – из Минеи.

Если же Свято́му в Минее только 3 стихиры, то поем прежде ему, а затем – из Октоиха, 3 первые стихиры на Го́споди воззвах:]

С лава: Свято́му, аще есть.

И ны́не: догматик текущаго гласа.

Вход не бывает. С ве́те ти́хий:

Прокимен дне: Б о́же, Засту́пник мой еси́ Ты, / и ми́лость Твоя́ предвари́т мя.

Таже С подо́би, Го́споди:

Просительная ектения: И спо́лним вече́рнюю моли́тву на́шу Го́сподеви:

Стихиры на стиховне Октоиха, мученичны [помещены в цикле стихир на Го́споди воззвах: под стихами: Я ко у Го́спода мило́сть Его́: Хвали́те Го́спода вси язы́цы: Яко утверди́ся ми́лость Его́ на нас: ] Поются с обычными стихами стиховных стихир.

С лава: Свято́му, аще есть.

И ны́не: Богородичен от менших (из 2-го приложения), по гласу Славы.

Аще несть Славы в Минее, С лава и ны́не: Богородичен Октоиха, писан наряду.

Ны́не отпущаеши: Трисвятое, по О тче наш:

Тропарь Свято́му Минеи. С лава, и ны́не: Богородичен воскресен текущаго гласа.

В субботу на утрени

По шестопсалмии ектения: М и́ром Го́споду помо́лимся:

Б ог Госпо́дь: во глас тропаря святого Минеи, и поем тропарь ему дважды. С лава и ны́не: Богородичен воскресен по гласу тропаря святаго.

Аще два святых, поем тропарь первому Свято́му дважды, С лава: тропарь второму Свято́му; И ны́не: Богородичен воскресен по гласу Славы.

Посем лик: Г о́споди поми́луй (трижды). С лава:

Чтец: И ны́не: и глаголет кафисму 16-ю на три Славы.

По кафисме ектения и седальны Октоиха – 1-й и 2-й (без 3-го). С лава и ны́не: Богородичен.

И стихословим 17-ю кафисму на три Славы, с опевы ея. По скончании малая ектения и три седальна – оба мученична и покоин, иже во Октоихе наряду писаны по 2-м стихословии. С лава и ны́не: Богородичен.

Псалом 50-й: П оми́луй мя, Бо́же:

Каноны поем из Минеи, Октоиха и храмового последования:

В храме Господском или Богородичном В храме святаго
Ирмос канона храма Ирмос канона святаго Минеи
Тропари канона храма Тропари канона святаго Минеи
Тропари канона святаго Минеи Тропари канона храма
Тропари 1-го канона Октоиха Тропари 1-го канона Октоиха
3, 6, 8, 9 песни закрываются 3, 6, 8, 9 песни закрываются
ирмосом 1-го канона Октоиха ирмосом 1-го канона Октоиха

По 3-й песни малая ектения и седален святаго Минеи.

По 6-й песни малая ектения, кондак и икос святаго Минеи.

По 8-й песни припеваем Ч е́стнейшую:

По 9-й песни Д осто́йно есть: и ектения малая, и ексапостиларий во Октоихе: И же ме́ртвыми и живы́ми: С лава, и ны́не: Богородичен: М ы о Тебе́ хва́лимся:

Аще святой имеяй светилен, глаголем его прежде. С лава: Октоиха, И ны́не: Богородичен.

Посем хвалитные псалмы и глаголемое от чтеца славословие.

Ектения просительная: И спо́лним у́треннюю моли́тву:

И поем стихиры на стиховне, в нихже поставим стихиры Октоиха, иже на хвалитех писаны – 1-ю, 2-ю, 3-ю, с обычными припевы: И спо́лнихомся зау́тра: и И бу́ди све́тлость:

С лава: Свято́му, аще есть. И ны́не: Богородичен по гласу Славы, от менших. Аще ли ни, С лава, и ны́не: Богородичен от хвалитных Октоиха.

Таже Б лаго есть: Трисвятое, по О тче наш:

Тропарь Свято́му Минеи. С лава и ны́не: Богородичен от менших, писан: В конец утрени, во глас тропаря святаго.

Ектения сугубая, первый час и отпуст с многолетием.

На Бо́жественной Литургии

Антифоны изобразительные. Блаженны во Октоихе на 6. Аще имать святый на Литургии песнь, то святаго песнь 3-я на 4 и канона Октоиха на 4.

На входе тропарь: А по́столи, му́ченицы и проро́цы: (тропарь храмовому Свято́му отменяется).

Посем тропарь святаго Минеи.

С лава: С о святы́ми упоко́й:

И ны́не: Я ко нача́тки естества́: Сей поем и в храме Христовом и Богородицы, кроме предпразднства и попразднства.

Прокимен, Апостол, аллилу́ия, Евангелие и причастен прежде святаго Минеи, затем субботы.

Крестобогородичны стихирные осми гласов поемыя во своя дни, егда есть Слава

Свято́му в Минеи: И ны́не: по гласу сия.

Глас 1

Во вторник вечера на Г о́споди воззва́х:

Подобен: Н ебе́сных чино́в:

Т воего́ Сы́на и Влады́ку / дре́вле я́ко ви́дела еси́ / на Кресте́ ру́це распросте́рша / и копие́м ре́бра ископова́ема, / Ма́ти Чи́стая, рыда́ющи, взыва́ла еси́: / увы́ мне, ка́ко стра́ждеши, / стра́сти челове́ков отъе́мляй, Человеколю́бче.

Во вторник вечера на стиховне:

Подобен: Н ебе́сных чино́в:

В оздви́жена я́ко ви́де на Кресте́ Агнца, / Непоро́чная Де́ва пла́чущи вопия́ше: / Сла́дкое Мое́ Ча́до, / что но́вое и пресла́вное виде́ние? / Ка́ко содержа́й вся́ческая го́рстию, / на Дре́ве пригвожда́ешися пло́тию?

В среду утра на стиховне:

У Креста́ Твоего́ предстоя́щи, Сло́ве Бо́жий, / Агница и Непоро́чная Ма́ти Твоя́, / рыда́ющи вопия́ше: / увы́ мне, Сы́не, ка́ко умира́еши на Кресте́? / Увы́ мне, Све́те мой сла́дкий, / где Твоея́ добро́ты ны́не за́йде зрак, / красне́йший па́че всех челове́к?

В четверток вечера на Г о́споди воззва́х:

В куше́ние дре́внее Ада́мово го́рькое, / вкуси́вый же́лчи и о́цта, / услади́л еси́, Ча́до Сладча́йшее, / возне́сся на Дре́ве: / те́мже Мя, я́ко Судия́ Пра́ведный, / враче́бною стра́стию Твое́ю услади́, Влады́ко, / воскре́с я́ко всеси́лен, / Де́ва глаго́лаше слезя́щи.

В четверток вечера на стиховне:

З аколе́ние Твое́ непра́ведное, Христе́, / Де́ва зря́щи, пла́чущи, вопия́ше Ти: / Ча́до Сладча́йшее, / ка́ко без пра́вды стра́ждеши? / И ка́ко на Дре́ве ви́сиши, / Иже всю зе́млю пове́сивый на вода́х? / Не оста́ви Мене́ еди́ну, Благоде́телю Многоми́лостиве, / Ма́терь и Рабу́ Твою́, молю́ся.

В пяток утра на стиховне:

Подобен: П рехва́льнии му́ченицы:

А гнца, Агница и Всенепоро́чная Влады́чица, / на Кресте́ я́ко ви́девши / зра́ка не иму́ща, ни добро́ты, / увы́ мне, плачу́щи глаго́лаше: / где добро́та Твоя́ за́йде, Сладча́йший, / где благоле́пие? / Где благода́ть сия́ющая о́браза Твоего́, / Сы́не Мой Любе́знейший?

Глас 2

Во вторник вечера на Г о́споди воззва́х:

З а́йде свети́лов заря́, / у́мным све́том побе́ждшися, обна́жшимся на Кресте́: / побежда́ется у́бо при́сно ху́ждшее бо́льшим, / и лу́чшему ме́ньшее дае́т ме́сто, / ка́ко у́бо не подоба́ше светя́щу Христу́, / скры́тися заре́ чу́вственней? / Досто́йным глаго́лаше, Тя зря́щи Пречи́стая, / Свети́лом Све́та.

Во вторник вечера на стиховне:

Подобен: Е гда́ от дре́ва:

Б оле́зни претерпе́вши мно́гия / в распя́тии Сы́на и Бо́га Твоего́, Пречи́стая, / стеня́ше, слезя́щи и восклица́ющи: / увы́ Мне, Ча́до Сла́дкое, / без пра́вды ка́ко стра́ждеши, / хотя́ изба́вити я́же от Ада́ма земноро́дныя? / Те́мже, Пречи́стая Де́во, / Тебе́ мо́лим ве́рою: / ми́лостива нам Того́ соде́лай.

В среду утра на стиховне:

Подобен: Е гда́ от дре́ва:

Г розд Всезре́лый, Чи́стая, / Его́же невозде́ланно во утро́бе носи́ла еси́, / на Дре́ве я́ко узре́ла еси́ Сего́ пове́шена, / рыда́ющи, восклица́ла еси́ и взыва́ла: / Ча́до, сла́дость иска́пай, / е́юже оты́мется пия́нство вся́кое страсте́й, Благода́телю, / Мене́ ра́ди, Тебе́ ро́ждшия, / Свои́м благоутро́бием умоля́емь.

В четверток вечера на Г о́споди воззва́х:

Подобен: Е гда́ от дре́ва:

Е гда́ Нескве́рная Агница ви́де Своего́ Агнца, / на заколе́ние я́ко челове́ка во́лею влеко́ма, / пла́чущи глаго́лаше: / безча́дствовати Мя ны́не тщи́шися Христе́, ро́ждшую Тя. / Что сие́ сотвори́л еси́, / Изба́вителю вся́ческих? / Оба́че воспева́ю и сла́влю Твою́, / ю́же па́че ума́ и сло́ва, кра́йнюю бла́гость, / Человеколю́бче.

В четверток вечера на стиховне:

Подобен: Е гда́ от дре́ва:

Е гда́ Тя беззако́ннии лю́дие, Спа́се, Жизнь всех, / на Дре́во вознесо́ша, / тогда́ Чи́стая и Пренепоро́чная Ма́ти Твоя́ / предстоя́щи и рыда́ющи взыва́ше: / Ча́до Мое́ Сла́дкое, / Све́те Мои́ма очи́ма, / увы́ Мне, ка́ко посреде́ злоде́ю / на Кресте́ пригвозди́тися претерпе́л еси́, / Иже зе́млю пове́шей на вода́х?

В пяток утра на стиховне:

Г розд Всезре́лый, Чи́стая, / Его́же невозде́ланно во утро́бе носи́ла еси́, / на Дре́ве я́ко узре́ла еси́ Сего́ пове́шена, / рыда́ющи, восклица́ла еси́ и взыва́ла: / Ча́до, сла́дость иска́пай, / е́юже оты́мется пия́нство вся́кое страсте́й, Благода́телю, / Мене́ ра́ди, Тебе́ ро́ждшия, / Свои́м благоутро́бием умоля́емь.

Глас 3

Во вторник вечера на Г о́споди воззва́х:

О ру́жие се́рдце Твое́ про́йде, Пречи́стая, / егда́ Сы́на Твоего́ на Кресте́ ви́дела еси́, и вопия́ла еси́: / не безча́дну мя покажи́, Сы́не Мой и Бо́же, / соблюды́й Мя по рождестве́ Де́ву.

Во вторник вечера на стиховне:

Н а Кресте́ Тя воздви́жена, Христе́ Мой, / я́ко ви́де Агница, Ро́ждшая Тя, и Непоро́чная, и Ма́ти Твоя́, / рыда́ше с пла́чем и вопия́ше: / не покажи́ Мя безча́дну, / Юже сохрани́л еси́ Чисту и по рождестве́.

В среду утра на стиховне:

З ря́щи Тя ви́сяща на Дре́ве Всенепоро́чная, Христе́ мой Преблаги́й, / рыда́ющи вопия́ше ма́терски: / Сы́не Мой Вселюбе́знейший, / ка́ко собо́р беззако́нный на Дре́ве Тя осуди́?

В четверток вечера на Г о́споди воззва́х:

М ир поми́лован бысть, Сло́ве, распя́тием Твои́м, / тварь просвети́ся, язы́цы спасе́ние обрето́ша, Влады́ко, / вопия́ше Пречи́стая: / Аз же ны́не растерза́юся, / зря́щи Твою́ во́льную страсть.

В четверток вечера на стиховне:

З ря́щи Тя Всенепоро́чная воздви́жена на Дре́во, / Христе́ мой Преблаги́й, / пла́чущи вопия́ше ма́терски: / Сы́не Мой Вселюбе́зный! / Ка́ко сонм беззако́нный на Кресте́ Тя воздви́же?

В пяток утра на стиховне:

З ря́щи из Тебе́ Рожде́ннаго, Всенепоро́чная, / пове́шена на Дре́ве, / восклица́ше вопию́щи: / Сла́дкое Мое́ Ча́до, / где Твоя́ за́йде добро́та светоно́сная, / добро́ Сотвори́вшаго ро́ду челове́ческому?

Глас 4

Во вторник вечера на Г о́споди воззва́х:

Н е рыда́й Мене́, Ма́ти, / зря́щи на Дре́ве пове́шена Твоего́ Сы́на и Бо́га, / на вода́х Пове́сившаго всю зе́млю неодержи́мо / и всю тварь Созда́вшаго; / и́бо воскресну́ и просла́влюся, / и а́дова ца́рствия сокрушу́ кре́постию, / и погублю́ того́ си́лу, / и свя́занныя изба́влю от злоде́йства его́, я́ко Благоутро́бен, / и Отцу́ Моему́ приведу́, я́ко Человеколю́бец.

Во вторник вечера на стиховне:

Р аспина́ема Христа́ Человеколю́бца / ви́дящи Пречи́стая, / и ре́бра ископова́ема копие́м, / пла́чущи вопия́ше: / что сие́, Сы́не Мой? / Что Ти безблагода́тнии лю́дие возда́ша, / за я́же сотвори́л до́брая им, / и тщи́шися безча́дствовати Мя, Вселюбе́знейший? / Удивляю́ся, Благоутро́бне, Твоему́ во́льному распя́тию.

В среду утра на стиховне:

У мервщля́ема ви́дящи Христа́ Пречи́стая Влады́чица, / умервщля́юща льсти́ваго, / восклица́ше, го́рце взыва́ющи / из утро́бы Тоя́ Произше́дшему, / и, долготерпе́нию Его́ чудя́щися, взыва́ше: / Ча́до Мое́ Любе́знейшее, / не забу́ди Рабу́ Твою́, / не закосни́, Человеколю́бче, Мое́ Утеше́ние.

В четверток вечера на Г о́споди воззва́х:

Я ко узре́ Тя, Го́споди, / Де́ва и Ма́ти Твоя́ на Кресте́ пове́шена, / дивя́шеся и, взира́ющи, глаго́лаше: / что Ти возда́ша, и́же мно́гих Твои́х даро́в насла́ждшиися, Влады́ко? / Но молю́ся, не оста́ви Мене́ еди́ну в ми́ре, / но потщи́ся воскресну́ти, свозставля́я пра́отца.

В четверток вечера на стиховне:

Н е рыда́й Мене́, Ма́ти, / зря́щи на Дре́ве пове́шена Твоего́ Сы́на и Бо́га, / на вода́х Пове́сившаго всю зе́млю неодержи́мо / и всю тварь Созда́вшаго; / ибо воскресну́ и просла́влюся, / и а́дова ца́рствия сокрушу́ кре́постию, / и погублю́ того́ си́лу, / и свя́занныя изба́влю от злоде́йства его́, я́ко Благоутро́бен, / и Отцу́ Моему́ приведу́, я́ко Человеколю́бец.

В пяток утра на стиховне:

Н а Кресте́ Тя я́ко узре́ пригвожде́на, Го́споди, / Агница и Ма́ти Твоя́ дивля́шеся, / и что виде́ние сие́ взыва́ше, Сы́не вожделе́нне? / Сия́ Ти неве́рный собо́р воздаде́ беззако́нный, / и́же мно́гих Твои́х чуде́с наслади́выйся? / Но сла́ва неизглаго́ланному соше́ствию Твоему́, Влады́ко.

Глас 5

Во вторник вечера на Г о́споди воззва́х:

И збавле́ние нас ра́ди и це́ну вели́кую, / Пречи́стую Кровь Твою́ изво́лил еси́ да́ти, / Безгре́шне Христе́ мой, / всем хотя́ спасе́ние получи́ти. / Те́мже Тя зря́щи пригвожде́на Ма́ти Твоя́, / рыда́ющи, власы́ терза́ше Своя́, глаго́лющи: / Ча́до, Агнче Всенепоро́чный, / мир хотя́ изба́вити Честно́ю Твое́ю Кро́вию, / от о́чию Мое́ю ка́ко заше́л еси́, Спа́се, / Незаходи́мое Со́лнце, / Иже всем подая́й просвеще́ние, / и мир, и ве́лию ми́лость.

Во вторник вечера на стиховне:

В есь восприи́м мой зрак, / Созда́тель и Бог облече́ся, / вообрази́ти и́же пре́жде па́дший зрак Ада́мов восхоте́вый, / на Крест вознесе́ся во́лею, я́ко пови́нен; / и ру́це распросте́р ны́не, / исцеля́я ру́це, я́же дре́вле осла́бленныя к дре́ву сне́дному. / Его́же Всечи́стая ви́дящи, восклица́ше: / что сие́ Твое́, Сы́не Мой, неизрече́нное долготерпе́ние? / Не терплю́ на Кресте́ воздви́жена зря́щи Тя, / го́рстию Содержа́ща всея́ земли́ концы́.

В среду утра на стиховне:

З ря́щи дре́вле Агнца и Сы́на Своего́ / Де́ва Ма́ти и Всеблаже́нная Отрокови́ца / на Крест воздви́жена, / вопия́ше слезя́щи: / увы́ Мне, Сы́не Мой, ка́ко умира́еши, / Бог естество́м Сый Безсме́ртен?

В четверток вечера на Г о́споди воззва́х:

И збавле́ние нас ра́ди… (см. вторник вечера).

В четверток вечера на стиховне:

З ря́щи дре́вле Агнца… (см. среду утра).

В пяток утра на стиховне:

С та́вши у Креста́, Иису́се, / Тебе́ Ро́ждшая пла́чущися рыда́ше, вопию́ще: / не терплю́ сия́, пригвожде́на зря́щи Тя на Дре́ве, / Его́же породи́х Аз / и избего́х боле́зни я́ко безму́жна, / и ка́ко ны́не боле́знию содержи́ма есмь / и уязвля́юся се́рдцем? / Ны́не бо испо́лнися глаго́л, и́же рече́ Симео́н: / се́рдце Твое́, Непоро́чная, ору́жие про́йдет. / Но ны́не, о Сы́не Мой, / воскресни́ и спаси́ пою́щия Тя!

Глас 6

Во вторник вечера на Г о́споди воззва́х:

Л ю́ди беззако́ннейшия, / без пра́вды пригвожда́юща Тя на Дре́ве, / Де́ва и Чи́стая Ма́ти Твоя́ зря́щи, / я́коже Симео́н прорече́, / утро́бою, Спа́се, уязвля́шеся.

Во вторник вечера на стиховне:

Н а дре́ве Живо́т наш зря́щи Всенепоро́чная Богоро́дица ви́сящ, / ма́терски ры́дающи, вопия́ше: / Сы́не Мой и Бо́же Мой, / спаси́ любо́вию пою́щия Тя.

В среду утра на стиховне:

А гнца Своего́ Агница Нескве́рная дре́вле и Непоро́чная Влады́чица / на Дре́ве Кре́стнем я́ко узре́, / ма́терски восклица́ше и дивя́щися вопия́ше: / Ча́до Мое́ Сладча́йшее, / что зре́ние сие́ но́вое и пресла́вное? / Ка́ко сонм безблагода́тный суди́щу пила́тову предаде́ Тя, / и осужда́ет на смерть Живота́ вся́ческих? / Но воспева́ю Твое́ неизрече́нное, Сло́ве, снизхожде́ние.

В четверток вечера на Г о́споди воззва́х:

Подобен: Т ридне́вен:

З ря́щи Тя Пречи́стая на Дре́ве пригвожда́ема вопия́ше: / о Сы́не Мой и Бо́же, / что пресла́вное Твое́, и слы́шание стра́нное, / е́же претерпева́еши за мно́гую ми́лость?

В четверток вечера на стиховне:

Подобен: Т ридне́вен:

П редстоя́щи у Дре́ва иногда́ во вре́мя распя́тия Де́ва с де́вственным ученико́м, / и пла́чущи вопия́ше: / увы́ Мне, ка́ко стра́ждеши, / всех Христе́ Сый безстра́стие?

В пяток утра на стиховне:

П ригвозди́хся у́бо я́ко Челове́к на Дре́ве, / и умертви́хся, и во гро́бе положе́н бых, я́ко сме́ртный; / но я́ко Бог во сла́ве, Ма́ти Чи́стая Де́во, / па́ки востаю́ тридне́вен.

Глас 7

Во вторник вечера на Г о́споди воззва́х:

В лады́чице Всесвята́я Де́во, ро́ждшая Го́спода, / за милосе́рдие на Кресте́ пригвозди́вшагося / и жи́зни струи́ источи́вшаго ми́ру, / Того́ умоли́ спасти́ся душа́м на́шим. / Тебе́ бо Еди́ну и́мамы ве́рнии прибе́жище, / сте́ну и заступле́ние; / те́мже и притека́ем к покро́ву Твоему́.

Во вторник вечера на стиховне:

С воего́ Сы́на на Дре́ве ви́дящи дре́вле, / се́рдце Твое́ ору́жием печа́ли / уязвля́ше, Пречи́стая.

В среду утра на стиховне:

Н а Дре́ве пригвожде́на Тя во́лею, / я́ко Всенепоро́чная узре́, / пла́чущи поя́ше держа́ву Твою́.

В четверток вечера на Г о́споди воззва́х:

В лады́чице, Всесвята́я Де́во, ро́ждшая Го́спода, / за милосе́рдие на Кресте́ пригвозди́вшагося / и жи́зни струи́ источи́вшаго ми́ру, / Того́ умоли́ спасти́ся душа́м на́шим. / Тебе́ бо Еди́ну и́мамы ве́рнии прибе́жище, / сте́ну и заступле́ние; / те́мже и притека́ем к покро́ву Твоему́.

В четверток вечера на стиховне:

Н а Дре́ве пригвожде́на Тя во́лею, / Всенепоро́чная я́ко ви́де, / пла́чущи поя́ше держа́ву Твою́.

В пяток утра на стиховне:

С воего́ Сы́на на Дре́ве ви́дящи дре́вле, / се́рдце Твое́ ору́жием печа́ли / уязвля́ше, Пречи́стая.

Глас 8

Во вторник вечера на Г о́споди воззва́х:

А гнца Тя егда́ Агница и Де́вая / к заколе́нию ведо́ма у́зре, / со слеза́ми, Сло́ве, после́доваше и взыва́ше: / где тщи́шися, Ча́до Мое́? / Сше́ствую Тебе́, Сладча́йший, / не терплю́ бо не зре́ти Тебе́, / Иису́се Мой Многоми́лостиве.

Во вторник вечера на стиховне:

Г о́споди, егда́ Тя Со́лнца Пра́веднаго / со́лнце ви́де на Дре́ве пове́шена, лучи́ скры, / и луна́ свет во тьму преложи́; / Всенепоро́чная же Твоя́ Ма́ти утро́бою уязвля́шеся.

В среду утра на стиховне:

Н а Кресте́ пове́шена зря́щи Чи́стая, Тебе́ ро́ждшая, Го́споди, / и близ бы́вши, пла́чущи глаго́лаше: / Ча́до, что сия́ стра́ждеши пло́тию и тщи́шися безча́дствовати Мя? / Потщи́ся просла́витися, / я́ко да возвели́чуся стра́стию Твое́ю.

В четверток вечера на Г о́споди воззва́х:

Т я ви́дящи пригвожда́ема на Кресте́, Иису́се, / и стра́сти прие́млюща во́лею, / Де́ва и Ма́ти Твоя́, Влады́ко, / увы Мне, вопия́ше, Ча́до Сла́дкое, / ра́ны непра́ведно ка́ко терпи́ши, / Врачу́, исцели́вый челове́ческое неможе́ние, / и от тли всех изба́вивый милосе́рдием Твои́м?

В четверток вечера на стиховне:

Ю ница Нескве́рная Юнца́ ви́дящи на Дре́ве пригвожда́ема во́лею, / рыда́ющи жа́лостно, / увы́ Мне, вопия́ше, Люби́мейшее Ча́до! / Что Тебе́ сонм воздаде́ безблагода́тный евре́йский, / хотя́ Мя обезча́дствовати от Тебе ́, Вселюбе́зне?

В пяток утра на стиховне:

Н е терплю́, Ча́до, ви́дящи Тя на Дре́ве усну́вша, / бо́дрость всем подаю́щаго, / я́ко да и́же дре́вле преступле́ния плодо́м, / сном поги́бельным усну́вшим, / боже́ственную и спаси́тельную бо́дрость пода́си: / Де́ва глаго́лаше пла́чущися, Юже велича́ем.

В приходской практике почти повсеместно вечернее стихословие кафисмы

отменяется, как и следующая за ним малая ектения.

Источник: Вседневное последование вечерни и утрени / Кустовский Евгений – М. : Святитель Киприанъ, 2013. – 48 с.

Поделиться ссылкой на выделенное

Нажмите правой клавишей мыши и выберите «Копировать ссылку»

Источник

Поделиться с друзьями
МальтаВиста